وزارت ہاؤسنگ اینڈ ورکس کے وفاقی سیکرٹری افتخار علی شالوانی نے جمعہ کو اسلام آباد کے سیکٹر G-14 میں فیڈرل گورنمنٹ ایمپلائز ہاؤسنگ اتھارٹی کے پروجیکٹ کا دورہ کیا۔دورے کے دوران افتخار علی شالوانی کو ترقیاتی کاموں کی پیش رفت کے بارے میں بریفنگ دی گئی۔ انہوں نے سائٹ پر ترقیاتی کاموں کو تیز کرنے کی ضرورت پر زور دیا۔ سیکرٹری ہاؤسنگ نے تجاوزات اور سائٹ پر تمام تعمیر شدہ جائیدادوں کے حوالے سے مزید تشویش کا اظہار کیا اور ہدایت کی کہ وہاں رہنے والی کمیونٹیز کے ساتھ مشاورت سے ان کو ہٹانے کی ضرورت ہے۔ انہوں نے یہ بھی کہا کہ اسلام آباد ہائی کورٹ کے احکامات کی تعمیل کرتے ہوئے G-14/1 کا سروے مکمل کیا جائے اور جلد از جلد رپورٹ پیش کی جائے۔ ملازمین کو جدید رہائشی سہولیات فراہم کرنے کے لیے شلوانی نے سیکٹر کی سرگرمیوں کو معیار ی بنانےاور کام کو بروقت مکمل کرنے پر زور دیا۔اس دورے کے دوران جوائنٹ سیکرٹری ہاؤسنگ شہزاد نواز چیمہ، ڈی جی (ایف جی ای ایچ اے) طارق رشید اور وزارت اور اتھارٹی کے دیگر حکام بھی موجود تھے۔
