غیر قانونی تعمیرات کے خاتمے کیلئے کارروائیاں جاری ہیں ،ترجمان سی ڈی اے

اسلام آبد(سی این پی )سی ڈی اے ترجمان نے کہاہے کہ تجاوزات اور غیر قانونی تعمیرات کے خا تمے کے لئے چیئرمین کیپیٹل ڈیولپمنٹ اتھارٹی کی ہدایت پر کارروائیاں عمل میں لائی جارہی ہیں. اس سلسلے میں بلڈنگ کنٹرول سیکشن نے انفورسمنٹ ڈائریکٹوریٹ کے ساتھ مل کر جمعرات کے روز ضلعی انتظامیہ اور اسلام آباد پولیس کی معاونت سے جدہ ٹاو¿ن اور آغوش سوسائٹی میں بلڈنگ بائی لاز کی خلاف ورزی پر سخت ایکشن لیتے ہوئے متعدد عمارات کو سر بمہر کردیا۔بلڈنگ بائی لاز کی خلاف ورزی پر جدہ ٹاو¿ن میں 10 عمارات اور آغوش سوسائٹی میں ایک عمارت جو سی ڈی اے کی منظوری کے بغیر تعمیر کی جارہی تھی کو سربمہر کرکے مالکان کو نوٹسز بھی جاری کردئیے ہیں.ترجمان نے مذید کہاکہ شہر سے تجاوزات کے خاتمے اور بلڈنگ بائی لاز کی خلاف تعمیر کردہ عمارات کے خلاف آپریشن تسلسل کے ساتھ جاری رہے گا۔گزشتہ کئی ماہ سے وفاقی دارالحکومت میں سی ڈی اے ناجائز تجاوزات، غیر قانونی تعمیرات اور بلڈنگ بائی لاز کی خلاف ورزی پر آپریشن کرنے میں مصروف عمل ہے۔