اسلام آباد ایس ایس پی آپریشنز محمد ارسلان شاہ زیب نے ڈولفن سکواڈ، ابا بیل سکو اڈاور اے آر یوکے افسران و جوانوں کو لا اینڈ آرڈر کے حوالے سے بریف کیا،پولیس افسران شہریوں کے ساتھ حسن اخلاق سے پیش آئیں،اپنی ڈیوٹیز پیشہ وارانہ انداز میں ادا کریں،تفصیلات کے مطابق ایس ایس پی آپریشنز اسلام آباد محمد ارسلان شاہ زیب نے پولیس لائنز ہیڈکوارٹرز اسلام آباد میں ڈولفن سکواڈ، ابا بیل سکو اڈاور اے آر یو کے افسران و جوانوں کو بریفنگ دی،اس موقع پرسینئرپولیس افسران بھی موجود تھے.
انہوں نے ڈولفن سکواڈ، ابا بیل سکواڈ اور اے آر یوکے افسران و جوانوں کو بریفنگ دیتے ہوئے کہا کہ وہ وفاقی دارلحکومت اسلام آبادمیں جرائم کی بیخ کنی کے لئے گشت کو مو ثر بنائیں،اپنی ڈیوٹی ایمانداری اور دیانتداری سے ادا کریں، ایس ایس پی آپریشنز اسلام آباد نے کہا کہ ہم سب اس شہر اور اسکے باسیوں کی جان و مال کی حفاظت کو ممکن بنائیں گے،انہوں نے مزید کہا کہ افسران دوران چیکنگ شہریوں کے ساتھ حسن اخلاق سے پیش آئیں،ہم نے شہریوں کو تحفظ کا احساس دلانا ہے،شہریوں کے جان و مال کی حفاظت ہمار اولین مقصد ہے
