اسلام آبادپولیس کے افسران کی کارکردگی اور ذہنی صلاحیتوں کو بہتر بنانے کے لئے نفسیاتی امتحان کا سلسلہ جاری ہے، اس سلسلہ میں ریڈزون کمانڈوز میں تعینات پولیس افسران کا نفسیاتی امتحان لیا گیا،امتحان کا مقصد افسران کی ذہنی صلاحیتوں کی جانچ اور ان کی کارکردگی کو مزید بہتر بنانا ہے، تفصیلات کے مطابق اسلام آباد پولیس کے افسران کی استعداد کا ر کو بڑھانے کا سلسلہ جاری ہے،اس سلسلہ میں ریڈ زون کمانڈوز میںتعینات اسلام آباد پولیس کے افسران کی کارکردگی اور ذہنی صلاحیتوں کو بہتر بنانے کے لیے نفسیاتی امتحان لیا گیا،امتحان کا مقصد افسران کی ذہنی صلاحیتوں کی جانچ اور ان کی کارکردگی کو مزید بہتر بنانا ہے.
امتحان میں پولیس افسران کو درپیش مسائل کے حل کیلئے سفارشات بھی مرتب کی گئی،اسلام آباد پولیس شہریوں کے جان و مال کے تحفظ کو یقینی بنانے کیلئے ہمہ وقت مصروف عمل ہیں، وفاقی دارلحکومت اسلام آباد میں امن و عامہ کی صورتحال کو برقرار رکھنا ایک بڑا چیلنج ہے، جس سے افسران و جوانوں کو ناصرف جسمانی بلکہ ذہنی مشکلات کا بھی سامنا کرنا پڑتاہے، جس کو مدنظر رکھتے ہوئے افسران و جوانوں کے نفسیاتی امتحان شروع کرنے کا فیصلہ کیا گیا تھا، جس کا مقصد امن و عامہ کی صورت حال کے پیش نظر افسران و جوانوں کے نفسیاتی امتحانوں کے ذریعے کارکردگی کو مزید بہتر بنانا اور درپیش مسائل کو حل کرنا ہے۔
