سیکٹر بی 24میں گلزار ہجری کراچی کمرشل پراپرٹیز کاشاندار نیلام عام

اسلام آباد۔فیڈرل گورنمنٹ ایمپلائیز ہاؤ سنگ اتھارٹی کی جانب سے سیکٹر 24 – B اسکیم 33 گلزار ہجری کراچی کمرشل پراپرٹیزکا نیلام عام بمقام پروفیسر سلیم الزمان صدیقی اڈوٹوریم ICCBS,گیٹ نمبر 04 کراچی یونیورسٹی کراچی میں منعقد کیا گیا جس میں بڑی تعداد میں سرمایہ کاروں نے حصہ لیا۔ اس نیلامی میں تقریباََ40 کمرشل پراپرٹیز نیلامی عام کے لیے پیش کی گئیں – جس کے نتیجے میں ہاؤ سنگ اتھارٹی کوایک ارب دس کروڑ روپے کا ریکارڈ ریونیو حاصل ہوا جو کہ اتھارٹی کی تاریخ میں ایک مثال ہے- نیلام ہونے والے پلاٹوں میں سیکٹر 24-B اسکیم 33 گلزار ہجری کراچی میں ایک پیٹرول پمپ،21 کمرشل دکان اور 18 کمرشل پلاٹس شامل تھیں۔ اس موقع پرچیئر مین آکشن کمیٹی کا کہنا تھا کہ انویسٹرز کے اعتماد کی بحالی ادارے اور ملکی ترقی کے لیے خوش آئند ہے۔ آکشن کمیٹی نے تمام انویسٹرز کو مبارکباد دی اور انہیں بھر پور تعاون اور ہر ممکن سہولت کی یقین دہانی کرائی۔ انہوں نے کہا کہ اس طرح کی شفاف نیلامی سے تجارتی اور کاروباری سرگرمیوں میں اضافہ ہوتا ہے اور معاشی استحکام میں مدد ملتی ہے۔ انویسٹرز نے امید ظاہر کی کہ منافع بخش سرمایہ کاری کے امکانات کی تلاش کے لیے آئندہ بھی اتھارٹی کے ساتھ تعاون و ورکنگ ریلیشن شپ مزید مضبوط ہو گا۔