اسلام آباد ( کرائم رپورٹر)ڈپلومیٹک انکلیو میں مسیحی برادری سے تعلق رکھنے والے پولیس افسران کے لئے کرسمس کی تقریب کا انعقاد، ڈی آئی جی سکیورٹی محمد جواد طارق نے مسیحی پولیس افسران کو مبارکباد دی اور تحائف پیش کیے ،کرسمس محبت بھائی چارے اور انسانیت کی خدمت کا تہوار ہے،مسیحی افسران ہمارا فخرہیں،ملک کی ترقی میں مسیحی کمیونٹی کا اہم کردار ہے، ڈپلومیٹک انکلیو سکیورٹی ڈویژن میں مسیحی کمیونٹی سے تعلق رکھنے والے پولیس افسران کے لئے کرسمس کی تقریب کا انعقادکیا گیا.
جس میں ڈی آئی جی سکیورٹی محمد جواد طارق نے بطور مہمان خصوصی شرکت کی،اس موقع پر ایس ایس پی سکیورٹی ڈویژن کیپٹن (ر)زیشان حیدر سمیت مسیحی کمیونٹی سے تعلق رکھنے والے پولیس افسران بھی موجود تھے،ڈی آئی جی سکیورٹی نے مسیحی کمیونٹی سے تعلق رکھنے والے پولیس افسران کو مبارکباد پیش کی اور ان میں تحائف تقسیم کیے،اس موقع پرانہوں نے کہا کہ یہ موقع پیار ،محبت،بھائی چارے اور انسانیت کی خدمت کا درس دیتا ہے، مسیحی افسران اور سٹاف ہمارا فخر ہیںاورہر شعبے میں ملک اور قوم کی خدمت میں نمایاں کارکردگی کے حامل ہیں،پاکستان میں ہر قوم ،نسل اور مذہب سے تعلق رکھنے والے شہری کو برابر کے حقوق حاصل ہیں،تقریب کے اختتام پر ڈی آئی جی سکیورٹی نے مسیحی پولیس افسران اور سٹاف کے لئے نیک خواہشات کا اظہار کرتے ہوئے خصوصی چھٹیوں کا اعلان بھی کیا
