اسلام آباد ۔ایف آئی اے کا انسانی سمگلنگ میں ملوث عناصر کے خلاف ملک گیر کریک ڈاون جاری
انسانی سمگلنگ میں ملوث عناصر کے خلاف پیش رفت رپورٹ جاری کر دی ہے ،ایف آئی اے نے حالیہ ایک ماہ کے دوران 185 ہیومن سمگلرز اور ایجنٹس کو گرفتار کیا
ریڈ بک میں شامل 38 انتہائی مطلوب انسانی سمگلروں کو گرفتار کیا۔ یونان کشتی حادثہ 2024 میں ملوث 16 ایجنٹس کو گرفتار کیا۔
20 ایف آئی اے اہلکاروں کو بھی حراست میں لے کر تفتیش شروع کی گئی۔ سال 2023 کے یونان کشتی حادثہ کے حوالے سے 15 اشتہاریوں اور 15 ماسٹر مائنڈ انسانی سمگلروں کو گرفتار کیا گیا۔
انسانی سمگلنگ میں ملوث ملزمان کی 45 کروڑ روپے سے زائد مالیت کی جائیداد ضبط کی گئی۔ انسانی سمگلنگ میں ملوث عناصر کے زیر استعمال 7 کروڑ روپے کے بینک اکاؤنٹس منجمد کیے گئے۔
انٹرپول کے ذریعے انسانی سمگلنگ میں ملوث ملزمان کی گرفتاری کے لئے 20 ریڈ نوٹسز جاری کیے گئے۔ یونان کشتی حادثے میں ملوث 38 ایف آئی اے اہلکاروں کو ملازمت سے برخاست کیا گیا۔
ناقص تفتیش اور پیروی کے باعث 12 ڈپٹی ڈائریکٹرز اور اسسٹنٹ ڈائریکٹرز کو چارج شیٹ کیا گیا، اور وزارتِ داخلہ کو رپورٹس بھجوائی گئیں۔
ناقص نگرانی پر 4 زونل ڈائریکٹرز سے وضاحت طلب کی گئی۔ لیبیا کشتی حادثے 2024 کے تناظر میں 30 اہلکاروں کے خلاف محکمانہ کارروائی شروع کی گئی ۔
کشتی حادثے میں ملوث ایجنٹوں کی گرفتاری کے لئے تمام تر وسائل کو بروئے کار لایا جائے۔ ڈی جی ایف آئی اے احمد اسحاق جہانگیر
ملک کے تمام ائرپورٹس پر تعینات افسران ایجنٹوں کے گرفتاری کے لئے کڑی نگرانی کریں۔ ڈی جی ایف آئی اے
ائرپورٹ انچارجز اس بات کو یقینی بنائیں کہ کوئی بھی ایجنٹ بیرون ملک فرار نہ ہو پائے۔ ڈی جی ایف آئی اے
