اسلام آباد(کورٹ رپورٹر)اسلام آباد ہائی کورٹ بار ایسوسی ایشن کے سالانہ انتخابات برائے سال 2025-26 ،اسلام آباد ہائی کورٹ بار ایسوسی ایشن کے سالانہ انتخابات کل ہونگے
اسلام آباد ہائی کورٹ بار کی صدارت اور سیکرٹری کیلئے ون ٹو ون مقابلہ ہوگا سالانہ انتخابات برائے سال 2025-26 کیلئے پولنگ کل ضلع کچہری ڈسٹرکٹ کورٹ کمپلیکس اسلام آباد میں ہوگی،پولنگ کا عمل صبح ساڑھے آٹھ بجے سے شام ساڑھے چار بجے تک جاری رہے گا ،ہائیکورٹ بار کے انتخابات کے لیے پولنگ کے دوران 2685 ووٹرز اپنا حق رائے دہی استعمال کریں گے.
صدارت کیلئے عبدالواحد قریشی اور سید واجد علی شاہ گیلانی، نائب صدارت کیلئے افتخار احمد باجوہ اور راجہ منظر علی کیانی آمنے سامنے ہونگے سیکرٹری کیلئے چودھری منظور احمد ججہ اور قاسم نواز عباسی، جائنٹ سیکرٹری کیلئے عمران اشفاق اور ظاہر شاہ مدمقابل ایڈیشنل سیکرٹری کیلئے بشری طارق راجہ اور ڈاکٹر پلوشہ ایاز خان، فنانس سیکرٹری کیلئے فضل مولا اورمحسن علی عباسی کے درمیان مقابلہ ہوگا، ایگزیکٹیو ممبران کیلئے چودھری ذوالقرنین، منظوراحمد، شعیبہ اختر، نازش بی بی، محمد عمر مختار، راشدحنیف، طلعت رضوان، محمد عثمان، محمد عدنان حسین، ملک مظفر خان، سید صلاح الدین شاہ اور فاروق اقبال خان کے درمیان مقابلہ ہوگا،ہائیکورٹ بار کے انتخابات کیلئے ضلع کچہری ڈسٹرکٹ کورٹ کمپلیکس میں سخت سیکیورٹی اقدامات کیے جائیں گے ،ہائیکورٹ بار کے انتخابات کے موقع پر سیکیورٹی اہلکاروں کی اضافی نفری تعینات کی جائے گی۔
