اسلام آباد (سٹاف رپورٹر)نیشنل پریس کلب اور سی ڈی اے نے ملکر سرسبز اسلام آباد مہم کے تحت ون ملین درخت لگانے کی مہم کا آغاز کر دیا ہے،چیئرمین سی ڈی اے نے این پی سی کے لان میں پودا لگا کر اس شجر کاری مہم کا افتتاح کیا، اس مہم کا مقصددنیا کےدوسرے سب سے زیادہ خوبصورت دارالحکومت اسلام آبادکو گلوبل وارمنگ کی تباہی سے بچانےاورموسمیاتی تبدیلیوں کے چیلنجز کے مقابلہ کرنا ہے،سرسبز اسلام آباد” مہم کے تحت ایک ملین درخت لگانےکے حوالے سے نیشنل پریس کلب اسلام آباد اور کیپیٹل ڈویلپمنٹ اتھارٹی (سی ڈی اے)کے درمیان مفاہمتی یادداشت پر دستخط ، مفاہمتی یادداشت پر این پی سی کے صدراظہر جتوئی اور سی ڈی اے کے ڈائریکٹر جنرل انوائرمنٹ اویس منظور تارڑ نے دستخط کئے،منصوبے کے تحت ایک ملین درخت تین سال کے اندر لگائے جائینگے، تقریب میں پی ایف یو جے کے صدر افضل بٹ، سیکرٹری این پی سی نیئر علی، فنانس سیکرٹری وقار عباسی،سمیت این پی سی کی منتخب قیادت سی ڈی اے افسران اور سینئر صحافیوں کی کثیر تعداد موجود تھی،اس موقع پر چیئرمین سی ڈی اے محمد علی رندھاوا کا کہنا تھا کہسی ڈی اے میڈیا اور سول سوسائٹی کے ساتھ مل کر اسلام آباد میں ایک ملین درخت لگانے کا ہدف پورا کرے گا.
وزیر اعظم میاں محمد شہباز شریف کے وژن کے مطابق وفاقی دارالحکومت اسلام آباد کو کلین اینڈ گرین بنانے پر کام کر رہے ہیں، ون ملین ٹری منصوبہ اسی سلسلے کی کڑی ہے، اسلام آباد کو خوبصورت رکھنا ہم سب کی مشترکہ ذمہ داری ہے،الیکٹرک بس سروس بھی اسی سلسلے کی کڑی ہے،پورے شہر میں160 الیکٹرک بسیں چلا رہے ہیں تاکہ شہر کو آلودگی کے مسائل سے بچایا جا سکے،ٹرانسپورٹ کے ذریعے اسلام آباد کو کلین اینڈ گرین بنانے کے خواب پورا کیا جا سکتا ہے،بہت جلد بسوں کو آن لائن کر دینگے جس سے مسافروں کو انکی لوکیشن پتہ کرنے میں آسانی ہو گی،بس سٹاپ کو خوبصورت اور سہولیات سے آراستہ کیاجا رہا ہے،بسوں کو پبلک بھی کیاجا رہا تاکہ اشتہارات کے ذریعے ریونیو میں اضافہ کیا جا سکے اس ریونیو کو مسافروں کو کرائے میں کمی کیلئے استعمال کیا جائیگا،انہوں نے تجویز پیش کی کہ این پی سی کی قیادت اس بات کو یقینی بنائے کہ پریس کلب آنے والے ہر مہمان سے پودا ضرور لگوائے تاکہ ماحول کو بہتر بنانے میں مدد مل سکے،محمد علی رندھاوا نے مزید کہا کہ بہت جلد گوگل میپ پر ان بسوں کی آمد و رفت کی مکمل معلومات دستیاب ہوں گی جس سے مسافروں کو انکی لوکیشن پتہ کرنے میں آسانی ہو گی، انہوں نے یہ بھی کہا کہ بس روٹس پر دیگر ضروری کام بھی جلد مکمل کیے جائیں گے،چیئرمین سی ڈی اے نے کہا کہ “ہم ہر اقدام نیک نیتی سے کرتے ہیں اور میڈیا سے گزارش ہے کہ شہر کے مسائل کی نشاندہی کریں تاکہ ہم فوری حل فراہم کر سکیں۔”انہوں نے اس عزم کا اظہار کیا کہ سی ڈی اے نیشنل پریس کلب اور دیگر اداروں کے ساتھ مل کر اسلام آباد کو سرسبز، صاف ستھرا اور جدید شہر بنانے کے مشن کو آگے بڑھاتا رہے گا،تقریب سے خطاب کرتے ہوئے صدر پی ایف یو جے افضل بٹ نے کہا کہ “جس دن ہماری چیئرمین سی ڈی اے سے میٹنگ ہوئی.
اسی دن میڈیا ٹاؤن سے بس سروس کا آغاز بھی ہو گیا، ہم نے ان سے بس سروس کا مطالبہ کیا اور انہوں نے فوری عملدرآمد یقینی بنایا، جس پر ہم ان کے شکر گزار ہیں۔”انہوں نے مزید کہا کہ اب اسلام آباد کو سرسبز بنانے کی مہم نیشنل پریس کلب اپنی قیادت میں چلائے گا، اور صحافی برادری اس کار خیر میں بھرپور کردار ادا کرے گی،قبل ازیں صحافیوں نے میڈیا ٹاؤن سے چلنے والی الیکٹرک بس سروس کے روٹ اور سٹاپس کے حوالے سے اپنی تجاویز پیش کیں جس پر چیئرمین سی ڈی اے نے سی ڈی اے کے انتظامی افسران اور پریس کلب کی قیادت کے مل بیٹھ کر مشاورت سے یہ مسئلہ حل کرانے کی یقین دہانی کرائی، خیال رہے کہ الیکٹرک بس سروس کے روٹ کو میڈیا ٹاؤن تک بڑھانا اہل علاقہ کا دیرنیہ مطالبہ تھا جس کو مدنظر رکھتے ہوئے این پی سی کی منتخب قیادت نے پی ایف یو جے کے صدر افضل بٹ کی سربراہی میں چیئرمین سی ڈی اے سے ملاقات میں اس مسئلے کو اٹھایا تھا جس پر چیرمین سی ڈی اے محمد علی رندھاوا فوری ایکشن لیتے ہوئے اس مطالبہ کو فوری طور پرپورا کرتے ہوئے روٹ کو میڈیا ٹاؤن تک بڑھا دیا تھا۔
