پاکستان شوبز انڈسٹری کی سُپر اسٹار اداکارہ مہوش حیات نے 5 برس بعد چھوٹے پردے پر واپسی کا عندیہ دے دیا۔ایک پروگرام میں میزبان نے اداکارہ مہویش حیات سے سوال کیا کہ کیا وہ بین الاقوامی پروجیکٹس کرنے کے بعد ڈراموں میں واپس آئیں گی یا نہیں؟
میزبان کے سوال کے جواب میں مہوش حیات نے ٹی وی اسکرین پر واپسی کی خواہش کا اظہار کرتے ہوئے بتایا کہ میں چند اسکرپٹس پڑھ رہی ہوں۔انہوں نے دورانِ انٹرویو یہ بھی انکشاف کیا کہ رواں سال کے اختتام تک ان کے مداح انہیں ٹی وی اسکرین پر دیکھ سکیں گے۔
یاد رہے کہ مہوش حیات نے اس سے قبل اپنا آخری ڈرامہ ’دل لگی‘ تقریباً 5 سال پہلے ہمایوں سعید کے ساتھ کیا تھا جو ان کے مداحوں کو بے حد پسند آیا تھا بعد ازاں انہوں نے اپنی تمام تر توجہ فلموں کی جانب مرکوز کر لی تھی۔
