نئی دہلی(سی این پی)بولی وڈ اداکارہ پرینیتی چوپڑا اور عام آدمی پارٹی کے سیاست دان راگھو چڈھا گزشتہ رات شادی کے بندھن میں بندھ گئے ہیں،پرینیتی چوپڑا اور راگھو چڈھا کی شادی میں شرکت کے لیے بھارت سمیت بیرون ممالک سے مہمان راجستھان کے شہر ادے پور پہنچے، جہاں پرتعیش اور تاریخی مقام دی لیلا پیلس پر شادی کی تقریبات منعقد کی گئیں۔
شادی کی تقریبات پچھلے کچھ دنوں سے جاری تھیں جن میں ا±ن کی مہندی، ہلدی، محفل موسیقی سمیت دیگر تقریبات کا انعقاد کیا گیا تھا،گزشتہ روز راگھو چڈھا دلہنیا کو لے جانے کے لیے تاج جھیل پیلس سے لیلا پیلس تک کشتیوں پر سوار ہو کر بارات لائے، جوڑے نے ہندو رسم و رواج کے مطابق پھیرے لیے،پرینیتی کی کزن اور اداکارہ پریانکا چوپڑا اور ان کے شوہر نک جونس نے شادی میں شرکت نہیں کی تھی۔
پرینیتی چوپڑا نے اپنی شادی کی تقریب کے لیے سادہ لیکن دلکش گلابی ساڑھی کا انتخاب کیا، دوسری جانب راگھو چڈھا نے سیاہ کوٹ پینٹ اور سفید شرٹ کا انتخاب کیا،جوڑے کی شادی کی تقریب میں ٹینس اسٹار ثانیہ مرزا، ہربھجن سنگھ اور منیش ملہوترا سمیت دیگر بولی وڈ شخصیات نے شرکت کی
دونوں کی شادی میں بھارتی دارالحکومت نئی دہلی کے وزیر اعلیٰ اروند کجریوال سمیت بھارتی پنجاب کے وزیر اعلیٰ اور دیگر سیاست دان نے بھی شرکت کی،اگرچہ مہمانوں کو شادی کی تقریبات کے دوران موبائل کیمرے استعمال کرنی کی اجازت نہیں ہے، تاہم اس باوجود دونوں کی شادی کی تقریبات کی ویڈیوز اور تصاویر وائرل ہوگئیں،دوسری جانب پرینیتی چوپڑا اور ان کے شوہر کی جانب سے اب تک انسٹاگرام پوسٹ کر شادی سے متعلق کوئی تصویر یا اعلان نہیں کیا گیا۔
بالی ووڈ کی معروف اداکارہ پرینیتی چوپڑا نے کہا ہے کہ وہ ایک طویل عرصے سے اپنی شادی کے دن کا انتظار کررہی تھیں،گزشتہ روز شادی کے بندھن میں بندھنے والی پرینیتی چوپڑا نے فوٹو اینڈ ویڈیو شیئرنگ ایپ انسٹاگرام پر اپنی شادی کی خوبصورت تصاویر پوسٹ کی ہیں۔پرینیتی چوپڑا نے اپنی زندگی کے سب سے خاص دن پر بھارتی ڈیزائنر منیش ملہوترا کا خوبصورت عروسی لباس زیب تن کیا جبکہ راگھو چڈھا بھی کریم رنگ کی شیروانی میں دلکش نظر آئے۔
ایک تصویر میں راگھو اپنی دلہن کو پھولوں کی مالا پہنا رہے ہیں جبکہ ایک تصویر میں ا±نہیں پرینیتی کے ماتھے پر بوسہ دیتے ہوئے بھی دیکھا جاسکتا ہے۔اداکارہ نے یہ حسین تصاویر مداحوں کے ساتھ شیئر کرتے ہوئے کہا کہ ناشتے کی میز پر ہونے والی ہماری ملاقات اور گپ شپ سے ہی ہماری محبت کا معلوم ہوگیا تھا۔ا±نہوں نے کہا کہ ایک طویل عرصے سے اس دن کا انتظار تھا، آخر کار مسٹر اینڈ مسز بن گئے ہیں۔پرینیتی چوپڑا نے مزید کہا کہ ہم ایک دوسرے کے بغیر نہیں رہ سکتے تھے، اب ہمارے ہمیشہ والے رشتے کی شروعات ہورہی ہے۔
