لاہور۔نامور گلوکار عاطف اسلم نے فنون لطیفہ کی سرحدوں کو مٹانے اور موسیقی کے نئے ٹیلنٹ کو عالمی سطح پر متعارف کروانے کے لیے “بارڈر لیس ورلڈ” کے نام سے اپنا ادارہ قائم کیا ہے۔
لاہور کے ایک مقامی سینما میں اس منصوبے کی افتتاحی تقریب منعقد کی گئی، جس میں پاکستان کے معروف فنکاروں اور تخلیقی شخصیات نے بھرپور شرکت کی۔
عاطف اسلم نے اس موقع پر کہا کہ “بارڈر لیس ورلڈ” کا مقصد ایک ایسا پلیٹ فارم فراہم کرنا ہے جہاں موسیقاروں، شاعروں اور فنکاروں کو اپنی تخلیقی صلاحیتوں کے اظہار کا موقع ملے۔ ان کا کہنا تھا کہ یہ ایک ایسا دنیا ہوگا جہاں تخلیق کی کوئی حد نہیں ہوگی اور خوابوں کی سرحدیں مٹ جائیں گی۔
تقریب میں مشہور گلوکار ساحر علی بگا، اداکار حمزہ علی عباسی، صبا قمر، ماڈل اور اداکار عماد عرفانی، انوشے اشرف اور گلوکار بلال سعید نے شرکت کی۔ اس کے علاوہ، ہدایت کار بلال لاشاری، عمارہ حکمت اور شائے گل جیسے تخلیق کاروں نے اس منصوبے کی حمایت کا عزم کیا۔
