نئی دہلی ۔بالی ووڈ کی معروف سینئر اداکارہ مادھوری ڈکشٹ اور ان کے شوہر ڈاکٹر شری رام نے حال ہی میں ایک اور شاندار اور مہنگی گاڑی اپنی کلیکشن میں شامل کی، جس کی ویڈیوز سوشل میڈیا پر تیزی سے وائرل ہو رہی ہیں۔
بھارتی میڈیا کی رپورٹ کے مطابق ایک ویڈیو میں مادھوری ڈکشٹ کو لال رنگ کی چمکتی ہوئی نئی فراری گاڑی میں اپنے شوہر کے ساتھ گھر جاتے ہوئے دیکھا گیا۔ یہ لگژری گاڑی اپنی خاص خصوصیات کے ساتھ صرف 14 رنگوں میں دستیاب ہے اور اس کی قیمت 6 کروڑ بھارتی روپے سے زائد بتائی جا رہی ہے۔
اس قیمتی گاڑی نے نہ صرف ان کے مداحوں کو حیران کر دیا بلکہ سوشل میڈیا پر دلچسپ تبصروں کا سلسلہ بھی شروع کر دیا ہے۔
مزید رپورٹس کے مطابق، 57 سالہ اداکارہ مادھوری ڈکشٹ کے پاس پہلے سے بھی کئی لگژری گاڑیاں موجود ہیں۔ اس کے علاوہ، وہ ایک کمرشل آفس کرائے پر دے کر ہر ماہ تقریباً 3 لاکھ بھارتی روپے بطور کرایہ وصول کرتی ہیں۔
