لاہور (شوبز رپورٹر ) ڈکی بھائی کیخلاف جوا ایپ پروموشن کیس میں نئی پیشرفت سامنے آگئی ہے۔ جہاں ملزم سعدالرحمان عرف ڈکی بھائی کا مزید 2 دن کا جسمانی ریمانڈ مںظور کرلیا گیا ہے تفصیلات کے مطابق ضلع کچہری لاہور میں یوٹیوبر ڈکی بھائی کیخلاف جواایپ پروموشن کیس کی سماعت ہوئی۔ جہاں ملزم کو عدالت میں پیش کیا گیا تاہم ان کے وکیل کی عدم موجودگی کی وجہ سے سماعت 10 منٹ تاخیر سے شروع ہوئی وکیل عثمان مشتاق نے عدالت سے استدعا کی کہ ان کے مؤکل ڈکی بھائی عدالت سے کچھ کہنا چاہتے ہیں۔
ڈکی بھائی نے عدالت میں بیان دیا کہ میں تمام تفتیش سے مطمئن ہوں اگر ادارے مزید تحقیق کر نا چاہتے ہیں تو کر سکتے ہیں۔ میں اداروں کی عزت کرتا ہوں تفتیشی افسر نے عدالت سے استدعا کی کہ ملزم سے ڈیوائسسز اور اکاؤنٹس برآمد کرنے ہیں، مزید 5 دن کا ریمانڈ دیا جائے عدالت نے درخواست منظور کرتے ہوئے ڈکی بھائی کا مزید 2 دن کا جسمانی ریمانڈ منظور کرلیا۔ یوٹیوبر کو دوبارہ 5 ستمبر کو عدالت میں پیش کیا جائے گا۔
