قاہرہ (مانیٹرنگ ڈیسک ) مصر کی ایک عدالت نے معروف فنکارہ وفا عامر کے خلاف سوشل میڈیا پر غلط بیانی کرنے پر ٹک ٹاکر مروہ یسری کو دو برس قید کی سزا کا حکم سنایا ہے مصر میں الاسکندیہ کی عدالت میں معروف فنکارہ وفا عامر نے ایک ٹک ٹاکر مروہ یسری کے خلاف مقدمہ دائر کیا جس میں مطالبہ کیا گیا تھا کہ ٹاک ٹاکر نے اس کے خلاف غلط بیانی کی جس سے اس کی شہرت کو نقصان پہنچا ہے عدالت نے ٹک ٹاکر مروہ کو طلب کیا جس نے سوشل میڈیا پلیٹ فارم پر فنکارہ وفا عامر پرالزام لگایا تھا کہ وہ انسانی جسمانی اعضا کا کاروبار کرتی ہے جس کی وجہ سے مشہور کھلاڑی مصری فٹبالر ابراہیم شیکا ہلاک ہوئے تھے۔
مصری فٹبالر الزمالک کلب کے معروف کھلاڑی تھے جو کینسر کے موذی مرض میں مبتلا تھے، وہ 28 برس کی عمر میں اپریل 2025 میں مرض سے لڑتے ہوئے انتقال کرگئے تھے ٹاک ٹاکر نے فنکارہ وفا عامر پر الزام عائد کرتے ہوئے انہیں فٹبالر کی موت کا سبب بتایا تھا، ملزمہ نے عدالت کو بتایا کہ اس نے یہ معلومات الاسکندریہ میں ہی مقیم ایک شخص جسے بیک بکس کے نام سے جانا جاتا تھا، اس سے حاصل کی تھیں اپنے حق میں صادر ہونے والے عدالتی فیصلے پر فنکارہ وفا نے اپنے فیس بک اکاؤنٹ پر لکھا کہ مصری عدالت اور وزارت داخلہ کا شکریہ.
