لاہور(شوبز رپورٹر ) فیشن ڈیزائنر زین احمد نے پاکستانی گلوکارہ آئمہ بیگ سے علیحدگی کی افواہوں پر بالآخر اپنی خاموشی توڑ دی ، انہوں نے واضح کیا کہ یہ تمام قیاس آرائیاں دراصل انسٹاگرام کے تکنیکی مسئلے کی وجہ سے ہوئی ہیں گزشتہ روز دونوں کے درمیان علیحدگی کی خبر اُس وقت سامنے آئی جب مداحوں نے دیکھا کہ زین احمد نے آئمہ بیگ کو انسٹاگرام پر ان فالو کر دیا ہے اور شادی کی تمام تصاویر بھی ڈیلیٹ کر دی ہیں۔
تاہم، زین احمد نے انسٹاگرام اسٹوری کے ذریعے وضاحت کی کہ میرا اکاؤنٹ کچھ دنوں سے بگ کر رہا تھا، جس کی وجہ سے کچھ پوسٹس آرکائیو کر دی گئیں، اگر کسی کو بٹ کوائن کے پیغامات موصول ہوئے ہوں تو معذرت، میں نے پاس ورڈز تبدیل کر دیے ہیں، اب سب کچھ نارمل ہے اپنے اس بیان کے بعد زین احمد نے اپنی شادی کی تصاویر بحال کرتے ہوئے آئمہ بیگ کو دوبارہ فالو کر لیا جس سے مداحوں کی پریشانی کم ہو گئی، دوسری جانب آئمہ بیگ اب بھی اپنے ذاتی اکاؤنٹ سے اپنے شوہر کو فالو کر رہی ہیں بعد میں زین احمد نے جوڑے کی ایک تصویر شیئر کی، جس میں آئمہ بیگ فخر سے اپنی ہیرے کا رنگ دیکھ رہی ہیں خیال رہے کہ آئمہ بیگ اور زین احمد کی شادی 5 اگست 2025 کو کینیڈا میں ایک سادہ اور نجی تقریب میں ہوئی تھی۔
