ممبئی(ویب ڈیسک ) دنیا کے مشہور یوٹیوبر جمی ڈونلڈسن عرف ‘ مسٹر بیسٹ’ نے بالی ووڈ کے تینوں خانز کے ساتھ ایک تصویر شیئر کرکے سوشل میڈیا پر دھوم مچا دی انسٹاگرام پر مسٹر بیسٹ نے سعودی عرب میں منعقدہ جوائے فورم 2025 کے دوران لی گئی ایک تصویر شیئر کی، جو دیکھتے ہی دیکھتے وائرل ہوگئی انہوں نے انسٹاگرام اسٹوری پر بھارتی سپر اسٹارز شاہ رخ خان، سلمان خان اور عامر خان کے ساتھ ایک تصویر شیئر کی، جس پر انہوں نے لکھا، ‘ہیے انڈیا، کیا ہم مل کر کچھ کرسکتے ہیں؟ان چاروں شخصیات کی ایک ساتھ موجودگی نے سوشل میڈیا پر مداحوں کو حیران کر دیا ہے۔
تصویر میں شاہ رخ خان اور سلمان خان سٹائلش سوٹ میں نظر آ رہے ہیں، جبکہ عامر خان روایتی سیاہ کرتہ اور سفید پاجامہ میں نظر آ رہے ہیں۔ مسٹر بیسٹ ایک سادہ لیکن پرکشش سیاہ لباس میں تین ستاروں کے ساتھ خوشی سے مسکراتے ہوئے نظر آ رہے ہیں تاہم ان کے کیپشن سے مداحوں میں قیاس آرائیاں شروع ہو گئیں کہ مسٹر بیسٹ جلد ہی تینوں خانز کے ساتھ کسی بڑے پروجیکٹ یا ویڈیو میں نظر آئیں گے دوسری جانب سوشل میڈیا پر تصویر وائرل ہوتے ہی مسٹر بیسٹ کا موازنہ امبانی سے کیا جا رہا ہے کیونکہ شاہ رخ خان، سلمان خان اور عامر خان گزشتہ تین دہائیوں سے بالی ووڈ کے سپر اسٹار رہے ہیں لیکن شاز و نادرہی کسی کنسرٹ میں ایک ساتھ نظر آتے ہیں۔ کچھ عرصہ قبل تینوں خانز کو ایک طویل جھگڑے کے بعد پہلی بار امبانیوں کی شادی میں ایک ساتھ دیکھا گیا تھا۔ اس کے بعد تینوں کو آخری بار عامر خان کی فلم ستارے زمین پر کی اسپیشل اسکریننگ پر ایک ساتھ دیکھا گیا تھا۔
اسی لیے سوشل میڈیا پر وائرل تصویر کے تبصرے میں ایک صارف نے لکھا، ’’امبانی کے بعد اب صرف مسٹر بیسٹ ہے۔ “جبکہ ایک اور صارف نے کہا کہ یہ تصویر تاریخی ہے، مسٹر بیسٹ اگلے بڑے کولیب کی تیاری میں ہیں کیا؟‘۔
