لاہور۔پاکستان سپر لیگ کی چھ فرنچائزز نے اپنے اسکواڈ میں شامل کیے گئے کھلاڑیوں کے ناموں کا اعلان کر دیا ہے جو پی ایس ایل کے دسویں ایڈیشن میں برقرار رہیں گے۔ اس بار فرنچائزز کے درمیان کھلاڑیوں کی ٹریڈز نہیں کی گئیں۔
پی ایس ایل کے قواعد کے تحت ہر فرنچائز کو اپنے سابقہ اسکواڈ سے 8 کھلاڑیوں کو برقرار رکھنے کی اجازت ہوتی ہے۔ تین فرنچائزز نے مکمل طور پر ریٹینشن کا استعمال کیا، جبکہ کراچی کنگز، ملتان سلطانز اور پشاور زلمی نے سات سات کھلاڑی برقرار رکھے ہیں۔
ایچ بی ایل پی ایس ایل کے تین بار چیمپئن، دفاعی چیمپئن اسلام آباد یونائٹڈ نے آٹھ کھلاڑی برقرار رکھے ہیں۔ ان میں کپتان شاداب خان، نسیم شاہ (پلاٹینم)، عماد وسیم (مینٹور)، اعظم خان (ڈائمنڈ)، سلمان علی آغا (برانڈ ایمبیسڈر)، حیدر علی (گولڈ)، کالن منرو اور رومان رئیس (سلور) شامل ہیں۔
گزشتہ ایڈیشن کی رنر اپ ملتان سلطانز نے سات کھلاڑی برقرار رکھے ہیں جن میں محمد رضوان اور اسامہ میر (پلاٹینم)، ڈیوڈ ولی (مینٹور)، افتخار احمد (برانڈ ایمبیسڈر)، عثمان خان (ڈائمنڈ)، کرس جورڈن (گولڈ) اور فیصل اکرم (سلور) شامل ہیں۔
پشاور زلمی نے سات کھلاڑی برقرار رکھے ہیں جن میں پی ایس ایل کے تاریخ میں سب سے زیادہ 3504 رنز بنانے والے بابر اعظم اور صائم ایوب (پلاٹینم)، محمد حارث (ڈائمنڈ)، عارف یعقوب، مہران ممتاز اور سفیان مقیم (سلور) اور علی رضا (ایمرجنگ) شامل ہیں۔
کوئٹہ گلیڈی ایٹرز نے آٹھ کھلاڑی برقرار رکھے ہیں جن میں ابرار احمد، محمد عامر (مینٹور)، رائلے روسو (ڈائمنڈ)، اکیل حسین، سعود شکیل (برانڈ ایمبیسڈر)، محمد وسیم جونیئر (گولڈ)، خواجہ محمد نافع اور عثمان طارق (سلور) شامل ہیں۔
کراچی کنگز نے سات کھلاڑی برقرار رکھے ہیں جن میں حسن علی اور جیمز ونس (ڈائمنڈ)، عرفان خان اور شان مسعود (گولڈ)، عرفات منہاس (برانڈ ایمبیسڈر)، ٹم سائفرٹ اور زاہد محمود (سلور) شامل ہیں۔
لاہور قلندرز نے آٹھ کھلاڑی برقرار رکھے ہیں جن میں شاہین شاہ آفریدی اور فخر زمان (پلاٹینم)، حارث رؤف (برانڈ ایمبیسڈر)، سکندر رضا (ڈائمنڈ)، عبداللہ شفیق، جہانداد خان اور زمان خان (گولڈ)، اور ڈیوڈ ویزے (سلور) شامل ہیں۔
پاکستان سپر لیگ 10 کا ڈرافٹ گیارہ جنوری کو ہوگا، اور ایونٹ 8 اپریل سے 19 مئی تک کھیلا جائے گا۔ اس مرتبہ 19 ممالک کے 510 کھلاڑیوں نے پی ایس ایل کے ڈرافٹ کے لیے سائن کیا ہے۔
