ڈائریکٹر ایف آئی اے اسلام آباد زون کی ہدایت پر ایف آئی اے کمرشل بینکنگ سرکل اسلام آباد کی موہن پورہ راولپنڈی میں اہم کارروائی۔ وسیع پیمانے پر کمرشل حوالہ ہنڈی کرنے والا گروہ دھر لیا گیا۔ملزمان میں سے دو کا تعلق افغانستان جبکہ تین افراد لنڈی کوتل ضلع خیبر ایجنسی سے ہے۔5 افراد کے خلاف مقدمہ درج کر لیا گیا۔
ملزمان کے قبضہ سے دو کروڑ سات لاکھ پچاس ہزار روپے کی حوالہ ہنڈی کی رقم بر آمد کر لی گئی۔رقم کے علاوہ بھاری تعداد میں حوالہ ہںنڈی کا ریکارڈ ، لیپ ٹاپ موبائل فونز ، چیک بکس، ڈیپازٹ سلپیں بھی قبضہ میں لے لی گئیں۔ملزمان چائنہ اور افغانستان حوالہ ہنڈی کیلئے رقم راولپنڈی ، لاہور، فتح پور ، چوک اعظم سکھر سے اکٹھی کرتے ہیں۔سولر ، ہوزری اور الیکٹرونکس کے کاروباری حضرات چائینہ میں اپنی ادائیگیاں اس گروہ کے ذریعے کرواتے ہیں۔ملزمان کا راولپنڈی شہر میں 33 بینک اکاونٹس کا انکشاف ہوا ہے، ریکارڈ میں موجود تمام کاروباری حضرات کو بھی شامل تفتیش کرنے کا فیصلہ کیا گیا ہیتمام رقم چائنہ میں چائنیز RMB اور امریکی ڈالرز میں کی جاتی ہے۔
