ہنگری پاکستان میں کاروباری مواقع سے فائدہ اٹھائے، بلاول بھٹو

وزیر خارجہ اور چیئرمین پاکستان پیپلز پارٹی بلاول بھٹو زرداری 3 روزہ دورہ یورپ مکمل کر کے وطن واپس پہنچ گئے۔بلاول بھٹو زرداری وفد کے ہمراہ خصوصی طیارے میں ہنگری سے کراچی پہنچے۔چیئرمین پاکستان پیپلز پارٹی بلاول بھٹو زرداری 20 فروری کو اسلام آباد سے جرمنی پہنچے تھے۔وزیر خارجہ نے 3 روزہ دورہ یورپ کے دوران جرمنی، برطانیہ اور ہنگری میں اہم ملاقاتیں کیں۔

واپسی سے قبل وزیر خارجہ بلاول بھٹو زرداری نے ہنگری کی کمپنیوں کو پاکستان میں کاروباری مواقع سے فائدہ اٹھانے کی دعوت دی ۔ہنگری کے دورے کے دوران اپنے ہنگری کے ہم منصب Péter Szijjártó کے ساتھ ایک مشترکہ پریس سٹیک آؤٹ سے خطاب کرتے ہوئے، انہوں نے کہا کہ دونوں ممالک کے درمیان متعدد شعبوں میں تعاون کو وسعت دینے کی وسیع صلاحیت موجود ہے۔

قبل ازیں وزیر خارجہ نے MOL کمپنی کے چیئرمین Zsolt Hernadi سے ملاقات کی جنہوں نے انہیں پاکستان میں توانائی کے شعبے میں کمپنی کے آپریشنز پر بریفنگ دی۔وزیر خارجہ نے ایم او ایل کے تعاون کو سراہا اور کمپنی کی حوصلہ افزائی کی کہ وہ پاکستان میں توانائی کے شعبے میں وسیع امکانات تلاش کرنے کے لیے اپنے آپریشنز کو بڑھائے۔

اپنا تبصرہ بھیجیں