اسلام آباد (سی این پی)وفاقی وزیر توانائی حماد اظہر نے گلگت بلتستان میں ایل پی جی ایئر مکس پلانٹ کو 6 ماہ میں آپریشنل کرنے کی ڈیڈ لائن دیدی منگل کو یہاں وزیر اعلیٰ گلگت بلتستان خالد خورشید نے وفاقی وزیر توانائی حماد اظہر سے ملاقات کی۔اس موقع پر
وزیر توانائی نے گلگت میں ایل پی جی ایئر مکس پلانٹ کو چھ ماہ کے اندر آپریشنل کرنے کی ہدایات جاری کرتے ہوئے کہا کہ اوگرا کی جانب سے تعمیراتی لائسنس میں توسیع کے بعد، ایس این جی پی ایل پلانٹ سے گیس کی سپلائی چھ ماہ میں شروع کر دی جائے
وزیر اعلیٰ گلگت بلتستان کی درخواست پر وزیر توانائی حماد اظہر نے گلگت بلتستان کے لیے ایل پی جی سپلا ئی بڑھانے پر اتفاق کیا اور کہا کہ اس سے جی بی میں ایل پی جی سلنڈر کی قیمت کم کرنے میں مدد ملے گی اور گلگت بلتستان کے عوام کو بڑا ریلیف ملے گا۔
Minister for Energy @Hammad_Azhar announces to increase supply of Liquefied Petroleum Gas for Gilgit Baltistan to help reduce LPG cylinder price in regionhttps://t.co/SFRv8Xncfz pic.twitter.com/8wwR882Y9Y
— Radio Pakistan (@RadioPakistan) February 8, 2022
وفاقی وزیر حماد اظہر نے گلگت بلتستان میں پاور سیکٹر کے بنیادی ڈھانچے میں سرمایہ کاری کرنے کے عزم کا اظہار کیا تاکہ خطے کا قومی گرڈ کے ساتھ رابطہ یقینی بنایا جا سکے۔ اس سے بجلی کی فراہمی میں انقلاب آئے گا اور وزیر اعظم عمران خان کے ویژن کے مطابق گلگت بلتستان کے سیاحتی شعبے کو فروغ ملے گا۔وفاقی وزیر نے OGDCL اور پا کستان پٹرولیم لمیٹیڈ (PPL) حکام پر زور دیا کہ وہ اپنے کمیونٹی سماجی ذمہ داری (CSR) منصوبوں کے تحت گلگت بلتستان میں کم آ مدنی والے گھروں کی سولرائزیشن شروع کرے
وزیر اعلیٰ خالد خورشید نے حکومت کی جانب سے توانائی کے شعبے میں کی گئی اصلاحات کو سراہا اور ان کی سفارشات پر مثبت جواب دینے پر وزیر توانائی کا شکریہ ادا کیا۔ انہوں نےگلگت بلتستان کے عوام کی ترقی کے لیے وفاقی وزیر حماد اظہر کی گہری دلچسپی کو سراہا۔ وزیر توانائی نے گلگت بلتستان کے عوام کو سہولیات فراہم کرنے کے عزم کا اعادہ کیا۔ انہوں نے زور دیا کہ گلگت بلتستان کی ترقی ملکی سیاحت کو مزید فروغ دینے میں اہم کردار ادا کریگی انہوں نے وزارت توانائی کے حکام کو ہدایات جاری کرتے ہوئے کہا کہ گلگت بلتستان کے توانائی کے منصوبوں کو جلد پایہ تکمیل تک پہنچایا جائے، انہوں نے امید ظاہر کی کہ گلگت بلتستان کی حکومت کے ساتھ مسلسل رابطے سے توانائی کے شعبے میں مثبت تبدیلی آئے گی اور اس کے سردیوں کے مہینوں میں بھی گلگت بلتستان کی سیاحت پر مثبت اثرات دیکھنے کو ملیں گے۔۔۔۔۔۔۔
