اسلام آباد (سپیشل رپورٹر )ملک بھر کے صارفین پر3 ارب روپے کا اضافی بوجھ ڈالنے کا فیصلہ اس سلسلہ میں سینٹرل پاورپرچیزنگ ایجنسی (سی پی پی اے) نے بجلی 19 پیسے کے ر یٹ بڑھا نے کے لئے درخواست نیپرا میں جمع کروادی۔نیشنل الیکٹرک پاور ریگولیٹری اتھارٹی ( نیپرا) کے مطابق سینٹرل پاورپرچیزنگ ایجنسی کی جانب سے جمع کروائی گئی درخواست کے تحت بجلی اگست کے فیول پرائس ایڈجسٹمنٹ کی مد میں مہنگی کرنے کی درخواست کی گئی ہےتاہم درخواست پر 29 ستمبرکو سماعت کی جائے گی۔دوسری جانب ذرائع کا بتانا ہے کہ درخواست منظوری کی صورت میں ملک بھر کے صارفین پر3 ارب روپے کا اضافی بوجھ پڑ ئے گا۔
بجلی 19 پیسے فی یونٹ مہنگی کرنے کی درخواست، صارفین پر 3 ارب روپے کا اضافی بوجھ ڈالنے کا امکان
