راولپنڈی(کرائم رپورٹر) سی پی او سید خالد ہمدانی کی ہدایت پر تفتیشی افسران کی استعداد کار کو بڑھانے کے لیے تربیتی ورکشاپ،تربیتی ورکشاپ میں ایس ڈی پی او گوجر خان اور گوجر خان سرکل کے تفتیشی افسران کی شرکت،ورکشاپ میں ڈپٹی ڈسٹرکٹ پبلک پراسیکیوٹر ملک اصغر علی نے تفتیشی افسران کومنشیات سمیت دیگر مقدمات کی تفتیش کے حوالے سے لیکچرز دئیے۔تفصیلات کے مطابق سی پی او سید خالد ہمدانی کی ہدایت پر تفتیشی افسران کی استعداد کار کو بڑھانے کے لیے تربیتی ورکشاپ کا انعقاد کیا گیا،تربیتی ورکشاپ میں ایس ڈی پی او گوجر خان اور گوجر خان سرکل کے تفتیشی افسران نے شرکت کی.
ورکشاپ میں ڈپٹی ڈسٹرکٹ پبلک پراسیکیوٹر ملک اصغر علی نے تفتیشی افسران کومنشیات سمیت دیگر مقدمات کی تفتیش کے حوالے سے لیکچرز دئیے،ورکشاپ میں تفتیشی افسران کو ملزمان ٹریس کرنا،شواہد اکھٹے کرنا اور ملزمان کو سزا دلوانے کے ساتھ ساتھ انوسٹی گیشن کے نقائص کے متعلق بھی نشاندہی کرائی گئی، لیکچر میں تفتیشی افسران کو مربوط اور جدید سائنسی انداز میں تفتیش کے طریقہ کار سے آگاہی فراہم کی گئی، سی پی او سید خالد ہمدانی کا کہنا تھا کہ موثر تفتیش ملزمان کو قرار واقعی سزا دلوانے اور شہریوں کو انصاف فراہم کرنے میں اہم کردار ادا کرتی ہے، راولپنڈی پولیس نے سال 2024میں منشیات کے ملزمان کو ریکارڈ سزایابی کروائی، منشیات فروشوں کی سزایابی سے ہی معاشرہ اس ناسور سے پاک ہو سکے گا۔
