اسلام آباد (سٹاف رپورٹر)نیشنل یونیورسٹی آف ٹیکنالوجی (NUTECH) نے ہزا انسٹی ٹیوٹ آف ٹیکنالوجی پرائیویٹ لمیٹڈ کے ساتھ مفاہمتی یادداشت (MoU) پر دستخط کیے ہیں، جس کا مقصد پیشہ ورانہ، تکنیکی اور ووکیشنل تربیت کے فروغ کے لیے باہمی تعاون پر مبنی اور پراجیکٹ پر مبنی فریم ورک قائم کرنا ہے۔
اس شراکت داری کے تحت صنعت سے ہم آہنگ تربیتی پروگرامز، سرٹیفیکیشنز، ورکشاپس اور سیمینارز کو مشترکہ طور پر ڈیزائن اور نافذ کیا جائے گا تاکہ افرادی قوت کی مسابقتی صلاحیتوں میں اضافہ کیا جا سکے۔ مزید برآں، یہ معاہدہ کیریئر کاؤنسلنگ، روزگار کے مواقع کی بہتری، اور جاب پلیسمنٹ کی سہولت فراہم کرنے میں بھی معاون ہوگا، جبکہ صنعت کے شراکت داروں کے ساتھ روابط کو فروغ دینے اور تحقیق و فنڈنگ کے مواقع میں شرکت کو بھی یقینی بنائے گا۔
