راولپنڈی(کرائم رپورٹر )نیو ٹاؤن پولیس کی کارروائی، تین روز قبل پولیس پر فائرنگ کرنے والے گینگ کا ایک اور رکن گرفتار، ملزم کے قبضہ سے لاکھوں روپے مالیت کی 3 مسروقہ کاریں برآمد۔تفصیلات کے مطابق نیو ٹاؤن پولیس نے کارروائی کرتے ہوئے تین روز قبل پولیس پر فائرنگ کرنے والے گینگ کے ایک اور رکن کو گرفتارکرلیا .
زیر حراست ملزم کے قبضہ سے لاکھوں روپے مالیت کی 3 مسروقہ کاریں برآمدہوئیں، گینگ سے برآمد گاڑیوں کی تعداد 4 ہو گئی، ملزمان نے ملیہ پارک کے نزدیک پولیس پارٹی پر فائرنگ کی تھی، ملزمان ماسٹر کی (چابی) کی مدد سے گاڑیاں چراتے اور کشمیر و دیگر اضلاع میں لے جا کر فروخت کرتے تھے،ایس پی راول سعد ارشد کاکہنا تھا کہ زیرحراست شخص کو ٹھوس شواہد کے ساتھ چالان عدالت کیا جائے گا۔
