کراچی(سی این پی) لیجنڈری اداکارہ بشریٰ انصاری کا کہنا ہے کہ انہیں بالی ووڈ کی ایک فلم میں اداکار اکشے کمار کے کردار کی پیشکش ہوئی تھی۔ایک انٹرویو میں پاکستانی شوبز کی لیجنڈ اداکارہ، گلوکارہ ، کامیڈین اور میزبان بشریٰ انصاری کا کہنا تھا کہ بھارت میں کچھ پاکستانی اداکاراو¿ں کی عزت نہیں کی جاتی اور نہ ہی انہیں اچھا سمجھا جاتا ہے۔بشریٰ انصاری نام لینے سے گریز کرتے ہوئے مزید کہا کہ بھارت میں موجود ایک رائٹر دوست نے بتایا کہ پاکستان سے 2،4 اداکارائیں خود سے ہی کام کرنے بھارت گئی تھیں جن کی وہاں عزت نہیں کی جاتی جبکہ بعض اداکاروں کے ساتھ بھی یہی ہوا کہ خود ہی بھارت گئے اور پھر واپس آگئے۔ نصرت فتح علی خان راحت فتح علی، فواد خان، علی ظفر، ماہرہ خان اور عاطف اسلم کی بہت عزت کی جاتی ہے۔سینئر اداکارہ نے کہا کہ چند سال قبل انہیں بالی ووڈ کے بڑے پروڈکشن ہاو¿س کی جانب سے انہیں فلم کی پیشکش ہوئی تھی جس میں انہیں اکشے کمار کی والدہ کا کردار ادا کرنا تھا تاہم پلواما حملے کے باعث پروجیکٹ پر کام نہ ہوسکا۔بشریٰ انصاری کا کہنا تھا کہ پاکستان میں کامیڈی کے شعبے میں معین اختر اور عمر شریف مرحوم کا کوئی مدمقابل نہیں اور نہ ہی کوئی ان جیسی شخصیت ہے۔
