لاہور(سی این پی ) معروف سیاسی رہنما اور وکیل لطیف کھوسہ نے پیپلز پارٹی چھوڑ کر پاکستان تحریک انصاف میں شمولیت کا اعلان کردیا۔
میڈیا سے گفتگو کرتے ہوئے سابق گورنر پنجاب سردار لطیف کھوسہ نے پاکستان تحریک انصاف میں شمولیت کا اعلان کیا۔
انہوں نےکہا کہ اعتزاز احسن میرے ساتھ ہیں، وہ بیمار ہونے کی وجہ سے آ نہیں سکے،
آج میں خوشیوں کی طرف جا رہا ہوں، مجھے ڈرانے کی کوشش کی گئی، میرے گھر پر گولی چلائی گئی
مجھے لفٹ میں گھنٹہ بند رکھا گیا، لیکن سچ کو سچ کہنا ہے ، خوفزدہ ہونے کی ضرورت نہیں۔
فوجی جنرل ہو یا جج ہو سب کو عوام کے ٹیکسوں سے پیسے جاتے ہیں، عدالتوں کا کام ہے انصاف فراہم کرنا۔
انہوں نے کہا کہ اس وقت ریاست غیر آئینی بن چکی ہے، ہمارے ایک وکیل اور جماعت کے رہنما کو گرفتار کر لیا جاتا ہے
ہمارے کیئر نہیں چیئرٹیکر وزیراعلی کی بھانجی ڈپٹی کمشنر کو خط لکھ کر لوگوں کو نظر بند کرادیتی ہے، کل مجھے شرم آئی ہم اپنے وکیل بھائی کا لاہور میں تحفظ بھی نہیں کر سکتے۔
ان کا کہنا تھا کہ عدالتیں اپنے فیصلوں پر عملدرآمد کروائیں، جج صاحبان بچوں کی طرح آپس میں لڑ رہےہیں، اگر کوئی غلط فیصلہ کرے گا تو وہ دوزخ میں جائے گا۔
سپریم کورٹ کب تک وزیر اعظموں کو ہٹانے کا کام کرتی رہے گی، عدالتوں نے ہمیشہ عوام کو مایوس کیا، جسٹس منیر جیسے لوگوں کی بجائے اچھی عدالت ہونی چاہیے۔
