دبئی۔حال ہی میں رشتہ ازدواج میں بندھنے والی معروف پاکستانی اداکارہ نیلم منیر نے اپنی شادی کے بعد زندگی کے نئے سفر کا آغاز کیا ہے۔ انہوں نے اپنی شادی کے بارے میں کہا کہ انہوں نے اللہ کا نام لے کر یہ نیا باب شروع کیا ہے اور مداحوں سے دعا کی درخواست کی ہے۔
نیلم منیر نے دبئی میں محمد راشد کے ساتھ شادی کی، اور اس کے بعد وہ اپنی شادی کی تقریبات کی تصاویر اور ویڈیوز سوشل میڈیا پر شیئر کرتی رہتی ہیں، جو خوب وائرل ہو رہی ہیں۔ ان کے شوہر محمد راشد کا تعلق پاکستان کے شہر میانوالی سے ہے اور وہ دبئی میں مقیم ہیں، جہاں ان کا ٹریول اینڈ ٹورزم کا کاروبار ہے، اور ساتھ ہی ان کے 3 سے 4 ریسٹورنٹس بھی ہیں۔
نیلم منیر کے دیور ثمر رانجھا نے بتایا کہ محمد راشد اور نیلم منیر کی پہلی ملاقات دبئی میں ایک ریسٹورنٹ میں ہوئی تھی، جس کے بعد اسنیپ چیٹ پر ان کی گفتگو شروع ہوئی اور دونوں کے درمیان محبت پروان چڑھ گئی۔ 2 سے 2.5 سال تک دونوں ایک دوسرے سے رابطے میں رہے، اور پھر شادی کر لی۔
نیلم منیر ایک مشہور پاکستانی اداکارہ ہیں اور اپنی خوبصورتی اور غیر معمولی اداکاری کے لیے جانی جاتی ہیں۔ ان کے کامیاب ڈراموں میں اشک، قیامت، دل نواز، بکھرے موتی، محبت داغ کی صورت، کہیں دیپ جلے، دل موم کا دیا، احرام جنون اور خمار شامل ہیں، جبکہ ان کی مقبول فلموں میں رانگ نمبر اور چکر شامل ہیں۔
