اسلام آباد(کرائم رپورٹر) ایس ایس پی آپریشنز اسلام آباد محمد شعیب خان کا شہر کے مختلف ناکہ جات اور ڈیوٹی پوائنٹس کا دورہ ،ڈیوٹی پر مامور پر پولیس افسران کو فرائض کی انجام دہی کے حوالے سے بریف کیا،پولیس افسران دوران چیکنگ شہریوں کے ساتھ حسن اخلاق سے پیش آئیں،اپنی ڈیوٹیز پیشہ وارانہ انداز میں ادا کریں ،تفصیلات کے مطابق ایس ایس پی آپریشنز اسلام آبادمحمد شعیب خان نے شہر کے مختلف ناکہ جات کا دورہ کیا ، انہوں نے افسران کو بریفنگ دیتے ہوئے کہا کہ وہ وفاقی دارلحکومت اسلام آبادمیں جرائم کی بیخ کنی کے لئے اپنی ڈیوٹی ایمانداری اور دیانتداری سے ادا کریں.
انہوں نے مزید کہا کہ ہم سب اس شہر اور اسکے باسیوں کی جان و مال کی حفاظت کو ممکن بنائیں گے،تمام افسران دوران چیکنگ شہریوں کے ساتھ حسن اخلاق سے پیش آئیں،ہم نے شہریوں کو تحفظ کا احساس دلانا ہے ،شہریوں کی جان و مال کی حفاظت اور کرائم کنٹرول کرنا ہمارا اولین مقصد ہے ، شہریوں سے گزارش ہے کہ وہ دوران چیکنگ پولیس افسران سے تعاون کریں ۔
