راولپنڈی(کرائم رپورٹر) مال روڈ راولپنڈی کو آج رات سے ہر طرح کی ٹریفک کے لئے بند کر دیا جاۓ گا – سٹی ٹریفک پولیس راولپنڈی کی طرف سے اضافی نفری تعینات،تفصیلات کے مطابق راولپنڈی مال روڈ پر انڈر پاس کی تعمیر کا کام ھونے کی وجہ سی مال روڈ کو آج رات ایم ایچ چوک سے ٹی ایم چوک تک قلیل عرصے کے لئے مکمل طور پر بند کر کے ٹریفک کو متبادل راستوں پر ڈائیورٹ کیا جاۓ گا ، اس سلسلہ میں سٹی ٹریفک پولیس راولپنڈی پہلے ھی اپنا ڈائیورشن پلان جاری کر چکی ھے جو آج رات سے نافذالعمل ھو گا اور ایم ایچ چوک سے ٹی ایم چوک کی طرف جانے والی ٹریفک کو مال روڈ کے متوازی حیدر روڈ پر منتقل کیا جائے گا.
جہاں سے ٹریفک مریڑ چوک ، مری روڈ اور راشد منہاس روڈ کا استعمال کرتے ھوۓ کچہری چوک کی جانب باآسانی جا سکے گی جبکہ گولڑہ موڑ سے 22 نمبر ، کلمہ چوک اور ملحقہ علاقوں کی طرف جانے والے شہری قاسم مارکیٹ سے کنواۓ روڈ سے ھارڈنگ روڈ سے این ایل سی چوک سے 22 نمبر اور دیگر علاقوں کی طرف جا سکیں گے ، اس سلسلہ میں چیف ٹریفک آفیسر راولپنڈی بینش فاطمہ کا کہنا تھا کہ متبادل روٹس حیدر روڈ اور مری روڈ پر جنگ بلڈنگ یو ٹرن تک کسی قسم کی پارکنگ کی اجازت نہیں ھوگی ، ان کا یہ بھی کہنا تھا کہ انڈر پاس کی تعمیر کے دوران متبادل راستوں پر اضافی نفری بھی تعینات کر دی گئی ہے تاکہ ٹریفک کی روانی برقرار رہے اور شہریوں کو کسی قسم کی مشکلات کا سامنا نہ کرنا پڑے.
اس سلسلہ میں زیرو ٹالرینس پالیسی اپنائی جاۓ گی انہوں نے مزید کہا کہ اس انڈر پاس کی تعمیر کے دوران سینئیر ٹریفک آفیسر راولپنڈی ، ڈی ایس پی ٹریفک وی وی آئی پی اور ڈی ایس پی ٹریفک ھیڈ کوارٹرز متبادل راستوں پر ٹریفک کی روانی کو یقینی بنانے کے ذمہ دار ھوں گے ، سی ٹی او راولپنڈی نے شہریوں سے اپیل کی ہے کہ وہ ٹریفک پولیس کی جانب سے جاری کردہ ہدایات پر عمل کریں اور کسی بھی قسم کی پریشانی یا دشواری کی صورت میں سٹی ٹریفک پولیس راولپنڈی کے سوشل میڈیا پیجز (@ctrwp) کو فالو کریں یا ہیلپ لائن نمبر 051-9274843 پر رابطہ کریں۔ سٹی ٹریفک پولیس راولپنڈی شہریوں کے محفوظ اور باسہولت سفر کے لیے ہر ممکن اقدامات اٹھا رھی ھے شہریوں سے گزارش ہے کہ وہ دوران تعمیر متبادل راستوں کا استعمال کریں، ٹریفک قوانین کی پابندی کریں، اور کسی بھی ہنگامی صورت حال میں سٹی ٹریفک پولیس سے فوری رابطہ کریں۔
