راولپنڈی(کرائم رپورٹر) تھانہ ریس کورس نے ، تاش پر جواء کھیلنے والے 06 قمار بازوں کو گرفتار کرلیا، گرفتار ملزمان میں سبیل، ذیشان، اویس، فیصل، عبدالقادر اور محمد ذیشان شامل ہیں ، ملزمان سے داؤ پر لگی رقم 23 ہزار 70 روپے، 05 موبائل فون اور تاش کے برآمد ہوئے جبکہ دوسری جانب تھانہ رتہ امرال نے 03 قمار بازوں قاسم رفیق، جاوید اور زاہد کو گرفتار کرلیا، ملزمان سے داؤ پر لگی رقم 10ہزار روپے، موبائل فون اور تاش کے پتے برآمد ہوئے ، ڈویژنل ایس پیز کا کہنا تھاکہ قماربازی دیگر معاشرتی برائیوں کی جڑ ہے،قمار بازوں کے خلاف کاروائیاں جاری رکھی جائیں گی۔
