اسلام آباد(کرائم رپورٹر) ڈی آئی جی اسلام آ باد محمد جو اد طا ر ق نے بہتر ین کارکردگی پر ڈولفن سکو اڈ کے افسران میں تعریفی اسناد اور نقد انعامات تقسیم کئے،ڈولفن افسران نے دوران چیکنگ جر ائم پیشہ عناصر سے غیر قا نونی اسلحہ برآمد کیا،تمام افسران جانفشانی اور بہادری سے اپنے فرائض منصبی سرانجام دیں،تفصیلات کے مطابق ڈپٹی انسپکٹر جنرل آف پولیس اسلام آباد محمد جو ا د طا ر ق نے فرائض کی انجام دہی کے دوران بہتر ین کارکردگی کامظاہرہ کرنے والے ڈولفن سکو اڈ کے افسران میں تعریفی اسناد اور نقد انعامات تقسیم کئے،ڈولفن اسکواڈ کے تین افسران نے جانفشانی اور بہادری سے اپنے فرائض منصبی سرانجام دیتے ہوئے دوران چیکنگ جر ائم پیشہ عناصرکو گرفتار کر کے ان کے قبضہ سے غیر قا نو نی اسلحہ معہ ایمو نیشن برآمد کیا.
ڈی آئی جی اسلام آ باد نے ڈولفن اسکواڈ کے افسران کو اپنے فرائض منصبی احسن طریقے سے سر انجام دینے پر سراہا،اس موقع پر انہوں نے کہا کہ بہادری،تہذیب اور شفافیت اسلام آباد پولیس کے امتیازی نشان ہونے چاہیں، تمام افسران جانفشانی اور بہادری سے اپنے فرائض منصبی سرانجام دیں، آپ سب لوگ ایک بہترین پولیس فورس کا حصہ ہیں، آپ کا ہر کام قومی و بین الاقوامی سطح پر اجاگر ہوتا ہے،اس موقع پر تمام افسران نے تعریفی اسناد اور انعامات کے حصول کو قابل ستائش قرار دیا۔