اسلام آباد (کرائم رپورٹر )آئی جی اسلام آباد سید علی ناصر رضوی کی اسلام آباد پولیس میں انٹرنشپ کرنے والے یونیورسٹی طلباءکے وفد سے ملاقات انٹرنیز نے آئی جی اسلام آباد کے ساتھ اسلام آباد پولیس میں اپنے قیمتی تجربات کا تبادلہ کیااور پولیس کے نظام میں مزید بہتری کے لئے اپنی تجاویز پیش کیں،آئی جی اسلام آباد نے نوجوانوں کے کمیونٹی میں مثبت کردار کو سراہتے ہوئے انکی بھرپور حوصلہ افزائی کی۔
تفصیلات کے مطابق انسپکٹر جنرل آف پولیس اسلا م آباد سید علی ناصررضو ی نے اسلام آباد پولیس میں انٹرنشپ کرنے والے یونیورسٹی طلباءکے وفد سے ملاقات کی، انٹرنیز نے آئی جی اسلام آباد کے ساتھ اسلام آباد پولیس میں اپنے قیمتی تجربات کا تبادلہ کیا ،انہوں نے پولیس کے نظام میں مزید بہتری کے لئے اپنی تجاویز بھی پیش کیں،آئی جی اسلام آباد نے سٹوڈنٹس کی آراءکو سراہا اور انہیں معاشرتی بہتری، قانون کی پاسداری اور مثبت رویوں کے فروغ میں اپنا موثر کردار ادا کرنے کی تاکید کی .
اس موقع پر انہوں نے کہا کہ نوجوان نسل کو پولیس کے ساتھ مل کر ایک محفوظ، پ±رامن اور خوشحال معاشرہ تشکیل دینے میں اپنا کردار ادا کرنا چاہیے،ہمارے طلبہ و طالبات اس ملک کا قیمتی سرمایہ اور اسلام آباد پولیس کے سفیر ہیں، ملک و قوم کی ترقی کا دارومدار نوجوان نسل پر ہے،انہوں نے مزید کہا کہ نوجوان نسل کا تعلیمی سرگرمیوں میں بڑھ چڑھ کر حصہ لینا قابل ستائش عمل ہے ،نوجوانوں کو خوشحال معاشرہ تشکیل دینے کیلئے آگے آنا ہوگاکیونکہ پرامن اور خوشحال پاکستان کیلئے نوجوانوں کا کردار کلیدی اہمیت کا حامل ہے.
