راولپنڈی (ًکرائم رپورٹر )تھانہ پیرودھائی نے ،قتل، اقدام قتل کے مقدمہ میں مطلوب اشتہاری مجرمہ گرفتار،اشتہاری مجرمہ نے ذاتی رنجش پر ساتھیوں کے ہمراہ فائرنگ کر کے شہری کو قتل جبکہ خاتون کو زخمی کر دیا تھا۔تفصیلات کے مطابق پیرودھائی پولیس نے کارروائی کرتے ہوئے قتل، اقدام قتل کے مقدمہ میں مطلوب اشتہاری مجرمہ کو گرفتار کرلیا.
اشتہاری مجرمہ نے ذاتی رنجش پر ساتھیوں کے ہمراہ فائرنگ کر کے شہری کو قتل جبکہ خاتون کو زخمی کر دیا تھا،اشتہاری مجرمہ اگست 2021 سے پیرودھائی پولیس کو مطلوب تھی، پیرودھائی پولیس نے ہیومن انٹیلی جنس سمیت تمام وسائل بروئے کار لاتے ہوئے اشتہاری مجرمہ کو گرفتار کیا، اشتہاری مجرمہ کے 3 ساتھیوں کو قبل ازیں گرفتار کیا جا چکا ہے، ایس پی راول سعد ارشد کا کہنا تھا کہ زیر حراست اشتہاری مجرمہ کو ٹھوس شواہد کے ساتھ چالان عدالت کیا جائے گا۔
