اسلام آباد (کرائم رپورٹر ) وفاقی تحقیقاتی ادارے (ایف آئی اے) نے اپنے ڈائریکٹر جنرل، رفعت مختار راجہ کے تبادلے کے موقع پر ان کے اعزاز میں الوداعی تقریب کا انعقاد کیا۔ تقریب میں ان کی خدمات، پیشہ ورانہ مہارت اور شاندار قیادت کو سراہا گیا۔
تقریب میں سینئر ایف آئی اے افسران بشمول ایڈیشنل ڈائریکٹر جنرل اور ڈائریکٹرز نے شرکت کی اور رفعت مختار راجہ کے آئندہ کے کیریئر کے لیے نیک خواہشات کا اظہار کیا۔ اس موقع پر ان کے ایمانداری، محنت اور ادارے میں معیار قائم کرنے میں کردار کو بھی اجاگر کیا گیا۔
