اسلام آباد (سٹا ف رپورٹر )ربیع الثانی 1447 ہجری کا چاند دیکھنے کے لیے مرکزی رویت ہلال کمیٹی کا اجلاس کل (منگل کی) شام وزارت مذہبی امور میں طلب کیا گیا ہے جبکہ ملک بھر میں زونل اور ضلعی رویت ہلال کمیٹیوں کے اجلاس اپنے اپنے متعلقہ مقامات پر ہوں گے۔ پیر کو یہاں جاری ایک بیان میں وزارت مذہبی امور کے ترجمان نے کہا کہ چاند کی رویت کا اعلان مرکزی رویت ہلال کمیٹی ملک بھر سے موصول ہونے والی شہادتوں کو مدنظر رکھ کر کرے گی۔
