جکارتہ (ویب ڈیسک) انڈونیشیا میں ایک مسافر بحری جہاز لاپتا ہوگیا جس میں 243 مسافر سوار تھے، ایک شخص کی لاش برآمد جبکہ 102 افراد کو بچا لیا گیا، باقی مسافروں کی تلاش جاری ہے ، غیر ملکی میڈیا کے مطابق انڈونیشیا میں ایک مسافر بحری جہاز جاوا سی میں سفر کررہا تھا کہ اس دوران جہاز سے حکام کا رابطہ منقطع ہوگیا۔
رپورٹ کے مطابق بحری جہاز جاوا کے شہر سورابایا سے بورنیو جزیرے کے جنوبی کالیمانتان صوبے کے شہر بنجرماسن جا رہا تھا اور جہاز میں 243 افراد سوار تھے ، انڈونیشیا کے سرچ اینڈ ریسکیو آفس کے مطابق جہاز کی آخری معلوم پوزیشن جاوا سی میں بنجرماسن کی ایک بندرگاہ سے تقریباً 148 کلومیٹر دور تھی، جہاز کی تلاش کے لیے کارروائی شروع کر دی گئی ہے۔
لاپتا ہونے والی فیری سے ایک شخص ہلاک جبکہ 102 افراد کو بحفاظت ریسکیو کرلیا گیا جبکہ باقی مسافروں کی تلاش کے لیے آپریشن جاری ہے۔
