اسلام آباد (کیپیٹل نیوز پوائنٹ) نائب وزیراعظم و وزیر خارجہ اسحاق ڈار کی زیر صدارت اقتصادی تعاون تنظیم (ای سی او) کے وزرائے کونسل کے اجلاس کی تیاریوں کا جائزہ لینے کے لیے اہم اجلاس ہوا ، ترجمان کے مطابق ای سی او وزرائے کونسل کا اجلاس 15 اور 16 نومبر کو اسلام آباد میں ہوگا، وزیر خارجہ اسحاق ڈار نے اجلاس کے مجوزہ پروگرام اور انتظامات کا تفصیلی جائزہ لیا۔
اس موقع پر اسحاق ڈار نے ای سی او کے لیے پاکستان کی اہمیت کو اجاگر کرتے ہوئے ہدایت کی کہ اجلاس کے کامیاب انعقاد کے لیے بروقت تیاریاں اور تمام متعلقہ اداروں کے درمیان قریبی رابطہ یقینی بنایا جائے۔
