عوام غیر منظور شدہ ہاؤسنگ سکیموں میں سرمایہ کاری سے گریز کریں۔کمشنر راولپنڈی
آر ڈی اےاور ریونیو ڈیپارٹمنٹ کے وہ افسران جو غیر قانونی ہاؤسنگ سکیموں کی سرگرمیوں کا حصہ تھے ان کو معطل کر کے پیڈا ایکٹ کے تحت کاروائی کا اغاز کر دیا گیا ہے، لیاقت علی چٹھہ
راولپنڈی (سی این پی) تین غیر قانونی ہاؤسنگ سکیموں بلیو ورلڈ سٹی، ایولون سٹی اور عبداللہ سٹی کے خلاف گرینڈ آپریشن کمشنر راولپنڈی ڈویژن لیاقت علی چٹھہ کو رپورٹ پیش کر دی گئی عوام غیر منظور شدہ ہاؤسنگ سکیموں میں سرمایہ کاری سے گریز کریں۔
کمشنر راولپنڈی کو رپورٹ راولپنڈی کے افسران کے اجلاس میں دی گئی، کمشنر راولپنڈی ہمراہ آر پی او راولپنڈی سید خرم علی کی زیر صدارت پولیس سٹیشن چونترہ میں اعلی سطح اجلاس میں غیر قانونی ہاؤسنگ سوسائٹیز کے خلاف جاری آپریشن کی پیش رفت کا جائزہ لیا گیا۔کمشنر راولپنڈی کو بریفنگ میں بتایا گیا کہ آر ڈی اے کی جانب سے چار روزہ کامیاب آپریشن کیا گیا۔آپریشن ٹیم نے تین غیر قانونی ہاؤسنگ سکیموں بلیو ورلڈ سٹی، ایولون سٹی اور عبداللہ سٹی کے خلاف گرینڈ آپریشن کیا۔آپریشن ٹیم نے غیر قانونی سوسائٹیز کے بنکرز، گیٹس اور دفاتر کو سر بمہر کر دیا۔
آر ڈی اے نے منظور شدہ اور غیر قانونی ہاؤسنگ سکیموں کے بارے میں بل بورڈز پرنٹا لیکٹرانک اور سوشل میڈیا کے ذریعے عوام کو اگاہی دینے کے لیے تشہیر کی ۔70 نجی ہاؤسنگ سکیمیں آر ڈی اے سے منظور شدہ ہیں ۔بریفنگ میں بتایا گیا کہ غیر قانونی ہاؤسنگ سکیموں کے مالکان کی جانب سے قتل ‘قبضہ فائرنگ سمیت غیر قانونی ہتھیار رکھنے کے جرم میں 345 مقدمات درج کیے گئے جن میں سے 270 مقدمات غیر قانونی اسلحہ رکھنے کے جرم میں درج کیے گئے ہیں ۔ان مقدمات میں ملوث میں 274 افراد کو گرفتار کیا جا چکا ہے۔
کمشنر راولپنڈی ڈویژن لیاقت علی چٹھہ نے کہا کہ عوام غیر منظور شدہ ہاؤسنگ سکیموں میں سرمایہ کاری سے گریز کریں۔غیر قانونی ہاؤسنگ سکیموں کے ذریعے لوگوں کو مالی نقصان پہنچایا گیاغیر قانونی زمینوں پر قبضے کاسد باب ہونا چاہی میڈیا ‘سوشل میڈیا ‘یوٹیوبرز اور بل بورڈز کے ذریعے عوام کو آگاہی دی جائے کہ غیر قانونی ہاؤسنگ سکیموں میں سرمایہ کاری سے گریز کریںاکتوبر کے مہینے میں جن زمینوں کا ریکارڈ کمپیوٹرائز نہیں ہے کمپیوٹرائز کر لیا جائے گا -ہاوسنگ سوسائٹیز متعلقہ تھانے سے جانچ پرتال کے بعد رجسٹرڈ کمپنیوں کے سیکورٹی گارڈز رکھنے کی پابند ہوں گی۔آر پی او آپریشن کی براہ راست نگرانی کریں گے اور غیر قانونی تعمیرات کو گرا دیا جائے گاآر ڈی اےاور ریونیو ڈیپارٹمنٹ کے وہ افسران جو غیر قانونی ہاؤسنگ سکیموں کی سرگرمیوں کا حصہ تھے ان کو معطل کر کے پیڈا ایکٹ کے تحت کاروائی کا اغاز کر دیا گیا ہے انھوں نے کہا کہ غیر قانونی ہاؤسنگ سکیموں میں پلاٹ خریدنے اور بیچنے پر مکمل پابندی ہے ۔
آر ڈی اے کی ویب سائٹ پر روزانہ کی بنیاد پر غیر قانونی ہاؤسنگ سکیموں اور منظور شدہ ہاؤسنگ سکیموں کے بارے میں تفصیلات درج کی جاتی ہیں اس موقع پر آر پی او نے کہا کہ غیر قانونی ہتھیار رکھنے والوں کو گرفتار کیا جائے گا یوہ سکیورٹی گارڈ جو رجسٹرڈ کمپنیوں سے نہیں لیے گئے انہیں اور ان کے مالکان کے خلاف مقدمہ درج کر کے گرفتار کیا جائے گا ۔آر پی او راولپنڈی نے مزید کہا کہ پچھلے چند سالوں میں درج کرائے گئے مقدمات کا دوبارہ جائزہ لیا جائے گااور آپریشن میں رکاوٹ ڈالنے والوں کے خلاف سخت قانونی کارروائی کی جائے گی یسب کاروائیاں قانون کے دائرے میں ہوں گی۔عوام کو لوٹنے والوں سے کوئی رعایت نہیں کی جائے گی۔
ڈپٹی کمشنر راولپنڈی غیر قانونی ہاؤسنگ سکیموں کی وجہ سے امن و امان کے مسائل پیدا ہوئے ۔ اس موقع پر ڈپٹی کمشنر راولپنڈ ی نے کہا کہ غیر قانونی ہاؤسنگ سوسائٹیوں کے خلاف موثر کاروائی کے لیے پولیس انتظامیہ کے ساتھ مل کر آپریشن کر رہی ہے۔ سی پی او راولپنڈی نے کہا کہ غیر قانونی ہاؤسنگ سوسائٹیوں کی جانب سے علاقہ میں خوف و ہراس پھیلانے کے لئے فائرنگ کی جاتی تھی جس پر گزشتہ 6 ماہ میں موثر کنٹرول کیا گیا ہےفائرنگ اور ناجائز اسلحہ کے خلاف قانون کے مطابق بھرپور کارروائی کی جائے گی۔ انھوں نے کہا کہ آپریشن کے بعد بھی فورس علاقے میں موجود رہے گی تاکہ قبضہ مافیا دوبارہ سرگرم نہ ہو۔
