اسلام آبا د۔سینیٹر فیصل واوڈا کو ایف بی آر افسران کی جانب سے قتل کی دھمکیوں کا معاملہ،ان لینڈ ریونیو سروس افسرز ایسوسی ایشن نے سینیٹر فیصل واوڈا کے الزامات کی تردید کردی
ان لینڈ ریونیو سروس افسرز ایسوسی ایشن نے اپنے ایک بیان میں کہا ہے کہ ان لینڈ ریونیو سروس افسران نے کوئی دھمکیاں نہیں دیں،سرکاری گاڑیوں کی خریداری قواعد کے مطابق ہوئی
اعلامیہ میں کہاگیا ہے کہ افسران کو بدنام کرنے کی کوشش ناقابل قبول ہے،فیصل واوڈا الزامات کے ثبوت پیش کریں،بے بنیاد بیانات افسران کے حوصلے پست کر رہے ہیں،ٹیکس وصولی کے عمل کو نقصان پہنچ سکتا ہے، ان لینڈ ریونیو سروس افسران ایمانداری اور پیشہ ورانہ اصولوں پر کاربند ہیں،افسران کی عزت و وقار کا ہر حال میں دفاع کریں گے