راولپنڈی(کرائم رپورٹر)سی آئی اے اور تھانہ بنی پولیس کی مشترکہ کارروائی، آن لائن پتنگیں سپلائی کرنے والے 02سپلائرز گرفتار، 450 پتنگیں اور 04ڈوریں برآمد۔ تفصیلات کے مطابق سی آئی اے اور تھانہ بنی پولیس نے مشترکہ کارروائی کرتے ہوئے آن لائن پتنگیں سپلائی کرنے والے 02سپلائرز کوگرفتارکر لیا،آن لائن پتنگ سپلائرز کی شناخت شاکر اور صابر کے نام سے ہوئی، ملزمان سے 450 پتنگیں اور 04ڈوریں برآمد ہوئیں، ملزمان آن لائن آرڈر لے کر پشاور سے پتنگیں اور ڈوریں راولپنڈی اور دیگر شہروں میں سپلائی کرتے تھے، سی پی او سید خالد ہمدانی کا کہنا تھا کہ پتنگ بازی و پتنگ فروشی کیخلاف بھرپورکریک ڈاؤن جاری ہے،عمومی پتنگ فروشوں کے ساتھ ساتھ آن لائن پتنگ فروشوں کے خلاف بھی کارروائیاں جاری ہیں، پتنگ بازی و پتنگ فروشی، ہوائی فائرنگ کے خلاف کریک ڈاؤن جاری رہے گا۔
، آن لائن پتنگیں سپلائی کرنے والے 02سپلائرز گرفتار
