اسلام آباد(نیوز رپورٹر)وفاقی وزیر نے تھائی لینڈ اور میانمار کی حکومت اور عوام سے قیمتی جانوں کے ضیاع پرتعزیت کرتے ہوئے متاثرہ خاندانوں سے ہمدردی کا اظہار کیا وفاقی وزیر سردار محمد یوسف نے اب تک ایک ہزار سے زائد زخمیوں کی جلد صحت یابی کیلئے دعا کی .وفاقی وزیر سردار یوسف نے کہا مشکل کی اس گھڑی میں تھائی لینڈ اور میانمار کی حکومت اور عوام کیساتھ ہیں پاکستان تھائی اور میانمار عوام اور حکومت کی ہر ممکن مدد کریگا قدرتی آفات اور موسمیاتی تبدیلیوں سے تباہی کے بڑھتے واقعات دنیا کیلئے خطرے کی گھنٹی ہیں.
انہوں نے کہا یہ انسانیت اور کرہ ارض کی بقاء کا معاملہ ہے قدرتی آفات اور موسمیاتی تبدیلیوں سے تباہی ایک ملک یا خطے تک محدود نہیں رہی موسمیاتی تبدیلی ایک بہت بڑا خطرہ ہےجس سے تہذیبیں تباہ اور زیادہ تر قدرتی دنیا فنا ہو سکتی ہےتمام ممالک کو اس خطرے سے نمٹنے کے لیے سنجیدہ ہو کر مؤثر کردار ادا کرنا ہوگا.
