اسلام آباد (کرائم رپورٹر) آئی جی اسلام آباد سید علی ناصر رضوی کا عیدالفطر پر خصوصی پیغام اسلام آباد پولیس نے عید کے دنوں کے لئے مربوط سکیورٹی پلان ترتیب دیا ہے،3,500 سے زائد افسران و جوان شہر میں پٹرولنگ، کرائم فائٹنگ کریں گے،500 سے زائد ٹریفک اہلکار ٹریفک کی روانی کو یقینی بنائیں گے تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے عیدالفطر پر خصوصی پیغام جاری کرتے ہوئے کہا کہ اسلام آباد پولیس نے عید کے دنوں کے لئے مربوط سکیورٹی پلان ترتیب دیا ہے،شہرمیں 3,500 سے زائد افسران و جوان پٹرولنگ اور کرائم فائٹنگ کریں گے،جبکہ 500 سے زائد ٹریفک اہلکار ٹریفک کی روانی کو یقینی بنائیں گے۔،مری آنے جانیوالے سیاحوں کو بہترین سہولیات فراہم کرنے کے لئے بھی بہترین ٹریفک انتظامات کیے گئے ہیں .
شہر کے داخلی و خارجی راستوں پر 18 پکٹس لگائی گئی ہیں،شہر میں سٹریٹ کرائم کے سدباب، ہلڑ بازی اور ہوائی فائرنگ کے خلاف موثر کریک ڈاون ہوگا،انہوں نے مزید کہا کہ ہماری سو فیصد کوشش ہے کہ شہری اپنی عید اچھے انداز میں گزاریں،ہم شہر میں سکیورٹی کی فضاء کو ہر صورت قائم کریں گے،وفاقی دارلحکومت کے دوبڑے پارکوں کو فیملی پارک ڈکلیئر کیا گیا ہے،عوامی پارکوں کے اندر سائیکل پر پٹرونگ بھی کی جائے گی،آئی جی اسلام آباد نے کہا کہ آبائی گھروں کو جانے والے شہریوں کے گھروں کے باہر پولیس بیٹس قائم کی گئی ہیں،تمام سیکٹرز میں فور ویلرزاور ٹو ویلرز پٹرولنگ ہوگی،آپ تمام شہریوں کو شہر میں ہر طرح کی پٹرولنگ نظر آئے گی.
باڈی وارن کیمروں، اے این پی آر اور ٹریکرز کے ذریعے شہر کی نگرانی کی جارہی ہے، آئی جی اسلام آباد نے مزید کہا کہ پچھلے تین سالوں میں جن جرائم پیشہ عناصر نے وارداتیں کیں ہے ان کا ڈیٹا مرتب کیا گیا ہے،ان کریمینلز کے خلاف عید سے پہلے ناک دی ڈور شروع کیا گیا ہے،اسلام آباد پولیس ہر صورت شہر میں امن کی فضاء قائم رکھے گی،میری تمام فورس اپنے بچوں سے دور آپ کی سکیورٹی پر مامور ہے،انہوں نے شہریوں سے گزارش کی کہ وہ پولیس افسران و جوانوں کے ساتھ تعاون کریں۔
