اسلام آباد(کرائم رپورٹر)ایس پی حاکم خان اسلام آباد پولیس میں 38سالہ سروس کے بعد ریٹائرڈ ،1987میں بطور اسسٹنٹ سب انسپکٹر اسلام آباد پولیس میں شمولیت اختیار کی،اسلام آباد پولیس کے مختلف ڈویژنز میں اہم عہدوں پر اپنی خدمات سر انجام دیں تفصیلات کے مطابق اسلام آباد پولیس میں 38سالہ سروس کے بعد ریٹائرڈہونے والے سپرٹینڈنٹ آف پولیس حاکم خان کے اعزاز میں پولیس لائنز ہیڈکوارٹرز میں پروقار الوداعی تقریب کا انعقاد کیا گیا.
تقریب میں سینئر سپرٹینڈنٹ آف پولیس انسداد دہشتگردی ڈیپارٹمنٹ حمزہ ہمایوں نے بطور مہمان خصوصی شرکت کی، اس موقع پردیگر سینئر پولیس افسران و جوان بھی موجود تھے، ایس ایس پی سی ٹی ڈی نے ریٹائرڈ ایس پی کو نیک خواہشات کا پیغام دیا،انہوں نے ریٹائر ڈہونے والے ایس پی حاکم خان کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے، جس نے سروس شروع کی وہ ایک دن ریٹائر بھی ہو گا،آپ نے ایک لمبا عرصہ محکمہ پولیس کی خدمت کی اب محکمے کو آپ کی خدمت کرنے کی ضرورت ہے.
دوران سروس ہم سب کی کوشش ہونی چاہیے کہ کچھ ایسے کارنامے انجام دئیے جائیں، جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ تعالیٰ کی خوشنودی حاصل کی جائے، انہوں نے مزید کہا کہ ریٹائرڈ ہونے والے آفیسرنے اپنا زندگی کا قیمتی حصہ محکمہ پولیس میں گزار کر عوام کی خدمت کی اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،آخر میں مہمان خصوصی نے ریٹائرڈ ہونے والے آفیسر کی خد مات کو سراہتے ہوئے اعزازی پولیس شیلڈ پیش کی اور ان کے لئے نیک خواہشات کا اظہار کیا،1987میں بطور اسسٹنٹ سب انسپکٹر اسلام آباد پولیس میں شمولیت اختیار کی،اسلام آباد پولیس کے مختلف ڈویژنز میں اہم عہدوں پر اپنی خدمات سر انجام دیں.
