اسلام آباد (کرائم رپورٹر)اسلام آبادپولیس میں خدمات سر انجام دینے والے ایس پی حاکم خان کی ریٹائرمنٹ کے موقع پر ڈی آئی جی اسلام آباد آفس میں پر وقار تقریب کا انعقاد۔ڈی آئی جی اسلام آباد شاکر حسین داوڑ ،ایس پی ڈولفن خان زیب ،ایس پی رورل زون کاظم نقوی ڈی ایس پی سکیورٹی عبد الرشید اور دیگرسٹاف نے شرکت کی،تقریب میں شریک افسران نے ریٹائرڈ ہونے والے ایس پی حاکم خان کو پھول اور تحائف پیش کئے اور مستقبل کے لئے نیک خواہشات کا اظہار کیا۔
اسلام آباد پولیس میں 38سالہ سروس کے بعد ریٹائرڈہونے والے سپرٹینڈنٹ آف پولیس حاکم خان کے اعزاز میں ڈی آئی جی اسلام آباد دفتر میں پروقار الوداعی تقریب کا انعقاد کیا گیا،تقریب میں سینئر سپرٹینڈنٹ آف پولیس رورل زون کاظم نقوی اور سپرٹینڈنٹ آف پولیس ڈولفن خان زیب سمیت دیگر پولیس افسران و جوانوں نے شرکت کی، سینئر پولیس افسران نے ریٹائرڈ ایس پی کو نیک خواہشات کا پیغام دیا،انہوں نے ریٹائر ڈہونے والے ایس پی حاکم خان کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے.
جس نے سروس شروع کی وہ ایک دن ریٹائر بھی ہو گا،آپ نے ایک لمبا عرصہ محکمہ پولیس کی خدمت کی اب محکمے کو آپ کی خدمت کرنے کی ضرورت ہے، دوران سروس ہم سب کی کوشش ہونی چاہیے کہ کچھ ایسے کارنامے انجام دئیے جائیں، جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ تعالیٰ کی خوشنودی حاصل کی جائے، انہوں نے مزید کہا کہ ریٹائرڈ ہونے والے آفیسرنے اپنا زندگی کا قیمتی حصہ محکمہ پولیس میں گزار کر عوام کی خدمت کی اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،آخر میں سینئر پولیس افسران نے ریٹائرڈ ہونے والے آفیسر کی خد مات کو سراہتے ہوئے اعزازی پولیس شیلڈ پیش کی اور ان کے لئے نیک خواہشات کا اظہار کیا،1987میں بطور اسسٹنٹ سب انسپکٹر اسلام آباد پولیس میں شمولیت اختیار کی،اسلام آباد پولیس کے مختلف ڈویژنز میں اہم عہدوں پر اپنی خدمات سر انجام دیں.
