اسلام آباد(کرائم رپورٹر)ڈی آئی جی اسلام آباد اور ایس ایس پی آپریشنز کا اپنے دفاتر میں کھلی کچریوں کا انعقادکھلی کچہریوںمیں شہر یو ں کی شکا یا ت سن کر متعلقہ افسران کو احکا ما ت جا ری کیے اور درخو استو ں پر دئیے گئے وقت میں قانو نی کارروائی کرکے رپو رٹ کر نے کی ہدایت دی۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں ڈپٹی انسپکٹر جنرل آف پولیس اسلام آباد محمد جواد طارق اور ایس ایس پی آپریشنز اسلام آباد محمد شعیب خا ن نے شہریوں کے مسائل کی فوری دادرسی کو یقینی بنانے کیلئے اپنے دفاتر میں کھلی کچہریوں کا انعقاد کیا، دونوں افسران نے شہریوں کے مسائل سنے اور ان کے فوری حل کے لئے متعلقہ افسران کو مارک شدہ درخواستوں پر دیئے گئے وقت میں قانونی کارروائی کرکے رپورٹ پیش کرنے کے احکامات جاری کئے .
اس موقع پر ڈی آئی جی اسلام آباد اور ایس ایس پی آپریشنز نے کہا کہ ہماری اولین ذمہ داری ہے کہ ہم شہریوں کی جان و مال کی حفاظت کے ساتھ ان کی عزت نفس کا خیال رکھتے ہوئے تمام تر مسائل کو ترجیحی بنیادوں پر حل کریں،رشوت یا بدعنوانی میں ملوث اہلکاروں کے خلاف سخت ایکشن لیا جائے گا اور زیرو ٹالرنس پالیسی اپنائی جائے گی، شہریوں کے مسائل کے حل کے لیے تمام دستیاب وسائل کو بروئے کار لایاجائے، انہوں نے مزید کہا کہ کھلی کچہریوں کے انعقاد سے خود احتسابی کو بھی یقینی بنایا جاسکے گا، شہریوں کے مسائل کا فوری حل اولین ترجیح ہے،ہر شہری کو مساوی حقوق حاصل ہیں، تمام درخواستوں پر میرٹ پر فیصلے کئے جائیں گے،شہریوں کی جان، مال اور عزت نفس کا تحفظ مقدم ہے.
