راولپنڈی(نیوز رپورٹر )پاکستان ریلویز راولپنڈی ڈویژن نے اسٹیشنز پر صفائی کے نظام کو مزید بہتر بنانے کے لیے راولپنڈی ویسٹ مینجمنٹ کمپنی (RWMC) کے ساتھ ایک اہم معاہدہ کیا ہے۔ اس معاہدے کے تحت، راولپنڈی، مارگلہ اور چکلالہ ریلوے اسٹیشنز کی صفائی اب راولپنڈی ویسٹ مینجمنٹ کمپنی کے حوالے کر دی گئی ہے۔پاکستان ریلوے کے مطابق، یہ اقدام مسافروں کو صاف ستھرا اور صحت مند سفر فراہم کرنے کے لیے کیا گیا ہے۔ ڈویژنل سپرنٹنڈنٹ ریلوے راولپنڈی جناب نور الدین داوڑ نے اس عزم کا اظہار کیا کہ پاکستان ریلوے کا مقصد اسٹیشنز کو عالمی معیار کے مطابق صاف ستھرا بنانا ہے، تاکہ مسافروں کو بہترین سہولتیں فراہم کی جا سکیں۔
منیجنگ ڈائریکٹر RWMC جناب رانا ساجد صفدر نے اس موقع پر اعلان کیا کہ ان کی کمپنی صفائی کے عمل کو مزید بہتر بنانے کے لیے جدید مشینری اور تربیت یافتہ عملہ فراہم کرے گی۔پاکستان ریلوے کا عزم:
پاکستان ریلوے کا عزم ہے کہ ریلوے اسٹیشنز اور دیگر سہولتیں عالمی معیار کے مطابق صاف ستھرا ہوں تاکہ مسافروں کو ایک خوشگوار سفر کا تجربہ حاصل ہو۔ اس شراکت داری سے صاف ستھرا ریلویز اور ایک ستھرا پاکستان بنانے کی جانب ایک قدم اور بڑھایا گیا ہے۔
صاف ستھرا ریلوے، ساتھ ستھرا پاکستان۔
وزیر ریلویز، محمد حنیف عباسی کے ویژن کے مطابق پاکستان ریلوے کو صاف ستھرا اور صحت مند بنانا ہماری اولین ترجیح ہے۔
