راولپنڈی(کرائم رپورٹر )تھانہ صادق آباد نے ، چائنیزکال سینٹر میں نقب زنی کی واردات میں ملوث 6 رکنی گینگ گرفتار، ملزمان سے 85 لاکھ روپے مالیتی 95 مسروقہ لیپ ٹاپ اور پرنٹر برآمد، ملزمان نے چند روز قبل کال سینٹر کے شیشے توڑ کر قیمتی لیپ ٹاپ اور پرنٹر چوری کیے تھے۔ تفصیلات کے مطابق تھانہ صادق آباد پولیس نے کاروائی کرتے ہوئے چائنیزکال سینٹر میں نقب زنی کی واردات میں ملوث 6 رکنی گینگ کو گرفتار کرلیا،گرفتار ملزمان میں عبد الواجد، وسیم،بلال،علی،عبد العزیز اور محمد مرزا شامل ہیں، ملزمان سے 85 لاکھ روپے مالیتی 95 مسروقہ لیپ ٹاپ اور پرنٹر برآمد، ملزمان نے چند روز قبل کال سینٹر کے شیشے توڑ کر قیمتی لیپ ٹاپ اور پرنٹر چوری کیے تھے،صادق آباد پولیس نے CCTV کیمروں اور ہیومن انٹیلی جینس کی مدد سے ملزمان کو ٹریس کرکے گرفتار کیا، ملزمان کی گرفتاری اور 100فیصد ریکوری پر سی پی او سید خالد ہمدانی نے ایس پی راول محمد حسیب راجہ، ایس ڈی پی او نیوٹاؤن سرکل اور صادق آباد پولیس ٹیم کو شاباش دیتے ہوئے کہا کہ شہریوں کی جان ومال کی حفاظت اولین ذمہ داری ہے جس کے لیے تمام اقدامات اٹھائے جا رہے ہیں۔
تھانہ صادق آباد ، چائنیزکال سینٹر میں نقب زنی کی واردات میں ملوث 6 رکنی گینگ گرفتار۔
