راولپنڈی(سٹاف رپورٹر)پارکس اینڈ ہارٹیکلچر اتھارٹی راولپنڈی کی جانب سے شہر بھر کے پارکس اور گرین بیلٹس کی سجاوٹ، خوبصورتی اور عوام کو بہترین تفریحی اور سیکیورٹی کی سہولیات فراہم کرنے کے حوالے سے اقدامات کئے جا رہے ہیں،ڈی جی پی ایچ اے احمد حسن رانجھا کی خصوصی ہدایات پر پی ایچ اے نے کٹاریاں پارک کی تزین و آرائش اور شاندار ہارٹیکلچر کا کام سرانجام دیا ہے،کٹاریاں پارک میں رنگ برنگے اور سرسبز پھول پودوں کی بہار کا سا سماں دکھائی دیتا ہے،جس سے پارک کے حسن میں اضافہ ہوا ہے،سجاوٹ،دل کو موہ لینے والے خوبصورت پھول اور سرسبز مناظر عوام کی توجہ کا مرکز بن گئے ہیں .
عوام شام کے اوقات میں جوک در جوک کٹاریاں پارک کا رُخ کرتے ہیں اور بہترین تفریحی سہولیات سے لطف اندوز ہوتے ہیں،پی ایچ اے کی جانب سے ڈی جی پی ایچ اے احمد حسن رانجھا کی خصوصی ہدایات پر کٹاریاں پارک میں بہترین سیکیورٹی کے انتظامات بھی کئے گئے ہیں،تاکہ پارک میں تفریح کے لئے آنے والے اپنے آپ کو محفوظ تصور کر سکیں،اس کے علاوہ پی ایچ اے کا عملہ نہایت مستعدی سے ہارٹیکلچر کا کام اور پھول پودوں کی نگہداشت کا کام بھی سرانجام دیتا ہے.
ڈی جی پی ایچ اے احمد حسن رانجھا کا کہنا تھا کہ عوام کی سہولت اور تفریح کے لئے تمام تر ضروری اقدامات اٹھائے جا رہے ہیں،اس حوالے سے کسی قسم کی کوتاہی برداشت نہیں کی جائے گی،
راولپنڈی کو خوبصورت اور سر سبز بنانے اور عوام کو ایک اچھا تفریحی ماحول فراہم کرنے کےلئے پی ایچ اے کوشاں ہے،ڈی جی پی ایچ اے احمد حسن رانجھا نے مزید کہا کہ پارکس کی خوبصورتی کو برقرار رکھنے کے لئے پی ایچ اے کا عملہ لگن اور محنت سے کام کر رہا ہے.
چاہتے ہیں کہ عوام کو صحت مند ماحول فراہم کریں،انھوں نے کہا کہ پنجاب حکومت کے وژن کے مطابق راولپنڈی شہر کو سرسبز بنا کر ہی دم لیں گے،سرسبز ماحول کے فروغ سے ہم محولیاتی آلودگی اور حالیہ ہیٹ ویو کے اثرات کو بھی کم کر سکتے ہیں.
