تھانہ سٹی، اپنے مالک کے فلیٹ سے چوری کرنے والا شخص گرفتار

راولپنڈی (کرائم رپورٹر )تھانہ سٹی نے ،اپنے مالک کے فلیٹ سے چوری کرنے والا شخص گرفتار،زیر حراست شخص سے مسروقہ سامان کی فروخت سے حاصل ہونے والی رقم پانچ ہزار روپے اور دیگر مسروقہ سامان برآمد۔ تفصیلات کے مطابق تھانہ سٹی پولیس نے کارروائی کرتے ہوئے اپنے مالک کے فلیٹ سے چوری کرنے والے شخص کو گرفتار کر لیا، زیر حراست شخص سے مسروقہ سامان کی فروخت سے حاصل ہونے والی رقم پانچ ہزار روپے اور دیگر مسروقہ سامان برآمد ہوا،زیر حراست شخص نے مالک کی غیر موجودگی میں فلیٹ سے موبائل فونز کی بیٹریاں، ہینڈ فری،ایئرپوڈ و دیگر سامان چوری کیا تھا،واقعہ کا مقدمہ دو ماہ قبل درج کیا گیا تھا،زیر حراست شخص وقوعہ کے بعد روپوش ہو گیا تھا جسے سٹی پولیس نے تمام وسائل بروئے کار لاتے ہوئے گرفتار کیا،ایس پی راول محمد حسیب راجہ کا کہنا تھا کہ شہریوں کو قیمتی اثاثے سے محروم کرنے والے افراد قانون کی گرفت سے نہیں بچ سکتے۔